Na abiedzie Łukašenki i Si Czińpina prysutničała i adzinaja dačka kitajskaha lidara
Padčas vizitu ŭ Kitaj 2-4 červienia z Łukašenkam byŭ i jaho małodšy syn Mikałaj.
Pieršy vice-premjer Mikałaj Snapkoŭ raskazaŭ pra niekatoryja detali sustrečy Alaksandra Łukašenki i lidara Kitaja Si Czińpina.
«Na pracoŭnaj sustrečy tavaryš Si Czińpin skazaŭ frazu, ja prosta jaje paŭtaru. «Moj siabar, u nas z taboj asablivyja adnosiny, tamu i abied u nas budzie siamiejnym. I ŭpieršyniu ŭ historyi na hetym siamiejnym abiedzie, u takim klučy, z zamiežnym lidaram, budzie prysutničać maja dačka», — pryvioŭ słovy kitajskaha lidara Snapkoŭ u pieradačy na BT.
Na tym abiedzie była taksama žonka Si Czińpina — śpiavačka i aktrysa Pen Lijuań.
«Sustreča była fantastyčnaja», — dadaŭ biełaruski čynoŭnik.
Dačka Si Czińpina — 32-hadovaja Si Mincze — jaho adzinaje dzicia. Vučyłasia ŭ Harvardskim univiersitecie.
Padčas vizitu ŭ Kitaj z Łukašenkam byŭ i jaho małodšy syn Mikałaj. Ci prysutničaŭ jon na abiedzie ŭ Si, nie paviedamlałasia.
-
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»
-
U prodažy źjaviłasia pašyranaje anhłamoŭnaje vydańnie knihi Alesia Bialackaha
-
«Chto praź viosku jedzie — spyniajecca, fatahrafuje». Biełaruska raskazała pra historyju viekavoha dreva na svajoj siadzibie
Kamientary