Šmat Porsche, Bentley, «hieliki» — minskaja mytnia zastaŭlenaja daražeznymi aŭto
Hod tamu Jeŭrasajuz unifikavaŭ sankcyi ŭ dačynieńni da Biełarusi i Rasii, jakija zabaraniajuć ekspart u našu krainu mašyn z abjomam ruchavika, bolšym za 1,9 litra, elektramabilaŭ i hibrydaŭ. Adnak videa ź minskaj mytni pakazvaje, što sankcyi nijak nie paŭpłyvali na tych, chto maje vialikija hrošy.
Porsche jak «narodnaja marka»
Biełaruski błohier waldemar_wapl apublikavaŭ u instahramie videa, na jakim pakazaŭ, jakija aŭtamabili možna ŭbačyć na mytni pad Minskam.
Jak na samim mytnym składzie, tak i pobač ź im staić vialikaja kolkaść luksavych aŭto. U tym liku šmat absalutna novych mašyn, na jakich dahetul achoŭnaja plonka abo admysłovyja čachły, ź jakimi aŭtamabili dastaŭlajuć dyleram.
«Pahladzicie, što tut jašče jość na mytni. Kožny dzień prajazdžaju i kožny dzień, viadoma, ablizvajusia», — raskazvaje błohier.
Pieršymi na videa traplajuć Porsche Cayenne, Porsche GTS i BMW M4.
Dalej možna ŭbačyć aŭtavoz z šaściu mašynami, jak minimum piać ź jakich — heta Porsche roznych madelaŭ.
Za płotam z nadpisam «Zona mytnaha afarmleńnia» staić niekalki Mercedes V-kłasa, novyja Lexus, kupe Bentley i Audi RS6.
Siarod premijalnych mašyn jość i varyjanty, jakija dastavili ŭ Biełaruś sa Štataŭ praz Hruziju, bo na Range Rover na videa bačnyja hruzinskija tranzitnyja numary.
Aproč roznych Porsche, častka ź jakich całkam novyja, na mytni staić davoli šmat «hielikaŭ». Taksama jość novyja parkietniki Audi, šmat raznastajnych BMW i navat Lamborghini.
Admietna, što na mytni afarmlajecca šmat novych padsankcyjnych mašyn. Naturalna, što kali nie ŭsie jany, to amal usie paśla mytnaj ačystki ŭ Biełarusi pajeduć u Rasiju.
Navat niahledziačy na toje, što za razmytnienyja ŭ Biełarusi aŭto pry prodažy raniej, čym praz 12 miesiacaŭ, rasijanam nieabchodna płacić kamiercyjny ŭtylizacyjny zbor, ilhotnaja razmytnioŭka ŭ Biełarusi ŭsio adno vychodzić vyhadniej, čym płacić u Rasii poŭnuju mytniu i kapieječny lhotny ŭtyl.
Heta, darečy, tłumačyć, čamu na videa tak šmat novych mašyn, pakolki aŭto va ŭzroście da troch hadoŭ abkładajucca staŭkaj 48% ad koštu. Adpaviedna, kali afarmleńnie adbyvajecca na biełaruskaha lhotnika, mytnaja nahruzka źmianšajecca da 24% ad koštu.
Nie składana padličyć, kolki 140‑y ŭkaz daje sekanomić padobnym działkam, kali mašyny kaštujuć pa 100—200 tysiač jeŭra i bolej.
U toj ža čas staŭki ŭtylizacyjnaha zboru na aŭto, maładziejšyja za try hady, u Rasii nižejšyja, čym na tyja, što ŭžo majuć try hady z momantu vypusku.
Jak takija aŭto traplajuć u Biełaruś?
Paśla taho jak Jeŭrasajuz unifikavaŭ sankcyi dla Biełarusi i Rasii, padsankcyjnyja aŭto traplajuć tudy paŭdniovym šlacham praz Turcyju. Častka mašyn jedzie svaim chodam, inšyja (u pieršuju čarhu novyja) viazuć na aŭtavozach.
Aŭtamabili, jakija praz składanyja šlachi traplajuć ź Jeŭropy ŭ Rasiju, aficyjna vyjazdžajuć ź ES nibyta dla kupcoŭ z takich krain, jak Hruzija, Azierbajdžan, Armienija, Kazachstan, Kyrhyzstan, Uźbiekistan.
Cichanoŭskaja pra muža: Uvieś jahony śviet pierakuleny22
Kamientary
Što ŭ hetym drennaha? ;)
Im priam v kajf było otdať ohromnyj rynok kitajcam, čtoby svoim (jevropiejskim) proizvoditielam sdiełať chužie i odnovriemienno sdiełať połno kitajcam.
Tot žie Biełdži tožie nie možiet naradovaťsia tomu, čto jevropiejcy sankcii vvieli. Biez ich tupych ohraničienij u Džili prodaži byli by skromnieje.
V obŝiem łohika u nich miahko hovoria chromajet.
Jediem dalšie