Łukašenka palacieŭ u Kitaj. Heta sustreča pavinna była adbycca jašče ŭ studzieni
«U Piekinie projdzie tradycyjnaja siabroŭskaja siamiejnaja sustreča biełaruskaha lidara sa staršynioj KNR», — napisała pres-słužba Łukašenki.
Z 2 pa 4 červienia Alaksandr Łukašenka ździejśnić vizit u Kitajskuju Narodnuju Respubliku. Jon užo vylecieŭ ź Minska.
U Piekinie zapłanavana sustreča Łukašenki sa staršyniom KNR Si Czińpinam. Jana projdzie spačatku ŭ farmacie «adzin na adzin», a potym u bolš niefarmalnaj abstanoŭcy, piša pres-słužba Łukašenki.
Taksama ŭ prahramie vizitu — «šerah inšych sustreč i pieramoŭ».
Jašče 3 studzienia Łukašenka zajaviŭ, što da vybaraŭ płanuje zrabić vizit u Kitaj.
— I mižnarodnyja vizity, u Kitaj vizit. Takija vizity, ad jakich nielha admovicca. Tamu što heta budučynia našaj dziaržavy. Što takoje sustreča ź Si Czińpinam i vizit u Kitaj? Heta budučynia našaj krainy. Supracoŭnictva z Kitajem — heta vialikaja sprava, — skazaŭ Łukašenka.
Adnak vizitu tady tak i nie adbyłosia — albo praz zdaroŭje Łukašenki, albo Kitaj jaho nie zaprasiŭ.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary
łukašienko pora priepodovať kursy, "kak privilno, dołho i uśpiešno chołopstvovať" , ili, - "nieprostyje budni chołopa" !
Opyt bohatyj, jarkij, zapominajuŝijsia........