Kłasnamu homielskamu miedyjaprajektu «Fłahštok» treba finansavaja padtrymka
Pra finansavyja ciažkaści 27 maja paviedamiŭ homielski rehijanalny miedyjaprajekt «Fłahštok», jaki publikuje šmat ekskluzijnaj infarmacyi i rabiŭ važnyja rasśledavańni. Praz heta, jak adznačajecca, z 1 červienia vydańnie budzie «vymušana pracavać u abmiežavanym režymie».
Redakcyja prosić padtrymki, kab i dalej paviedamlać «pra ŭsie padziei» ŭ Homielskaj vobłaści. Padkreślivajecca, što pry pieraličeńni srodkaŭ nieabchodna ŭličvać piersanalnyja ryzyki biaśpieki.
Kantent internet-resursaŭ «Fłahštoka» byŭ pryznany «ekstremisckimi materyjałami» ŭ žniŭni 2022 hoda. 26 krasavika taho ž hoda Kamitet dziaržaŭnaj biaśpieki pryznaŭ miedyja «ekstremisckim farmiravańniem».
Rehijanalny navinny sajt «Fłahštok» byŭ stvorany ŭ 2020 hodzie na chvali paśpiachovaj hramadskaj inicyjatyvy, što vystupiła suprać budaŭnictva ŭ Homieli 60-mietrovaha fłahštoka za paŭmiljona dalaraŭ.
Vydańnie aśviatlaje rezanansnyja padziei ŭ rehijonie. Z 2022 hoda «Fłahštok» publikavaŭ važnuju infarmacyju, źviazanuju ź pieramiaščeńniem pa poŭdni Biełarusi rasijskich vojskaŭ, jakija byli zadziejničanyja va ŭzbrojenaj ahresii suprać Ukrainy.
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary
"Za biaśpieku patrebna płacić, a za jejnuju adsutnaść - raspłačvacca" (s)