Pracesiju Božaha Cieła ŭ Minsku sioleta praviaduć raniej za samo śviata, kab nie pierasiakacca ź mierapryjemstvami pa «hienacydu biełaruskaha naroda»
Praviadzieńnie ahulnaharadskoj pracesii Božaha Cieła zapłanavana ŭ Minsku sioleta na niadzielu, 15 červienia. Miarkujecca, što ŭračystaje šeście, jak i raniej, pačniecca ad kaścioła na Załatoj Horcy i projdzie praz centr stalicy, paviedamili parafijanam probaščy staličnych parafij, piša Katolik.life.
Śviata Cieła i Kryvi Chrystovych, da jakoha prymierkavanaja pracesija, sioleta katoliki adznačajuć u čaćvier, 19 červienia. U Minsku i ŭ mnohich inšych haradach praviadzieńnie eŭcharystyčnych pracesij zvyčajna pieranosiać na bližejšuju paśla śviata niadzielu, kab bolšaja kolkaść viernikaŭ mieła mahčymaść pryniać udzieł va ŭračystym šeści. Ale sioleta pracesiju ŭ Minsku zapłanavali pravieści pierad śviatam — pa dźviuch pryčynach.
Z-za «poźniaha» Vialikadnia ŭračystaść Cieła i Kryvi Chrystovych prypadaje na druhuju pałovu červienia, u toj čas jak u Minsku imknucca pravodzić pracesiju ŭ kancy maja — pačatku červienia, da razharu kanikuł i siezonu adpačynkaŭ, kab bolš viernikaŭ zmahli sabracca na nabaženstvie.
Pa-druhoje, bližejšaja niadziela paśla ŭračystaści — 22 červienia, kali dziaržava adznačaje «Dzień usienarodnaj pamiaci achviar Vialikaj Ajčynnaj vajny i hienacydu biełaruskaha naroda». Na hetuju datu ŭ horadzie zapłanavany adpaviednyja mierapryjemstvy.
Druhi horad Biełarusi, dzie arhanizujuć najbolš masavyja pracesii Božaha Cieła pa centralnych vulicach, — Hrodna. Tut zvyčajna datu praviadzieńnia šeścia nie pieranosiać i pravodziać u čaćvier, niepasredna ŭ dzień śviata. Heta značyć, što i sioleta pracesija ŭ Hrodnie pavinna prajści 19 červienia.
Adbyłasia bieatyfikacyja katalikoŭ, achviaraŭ stalinskaha režymu
«U mianie było piać mužčyn. Šosty — Isus». Asia Papłaŭskaja chacieła stać manaškaj, ale nie atrymałasia
Biełaruskija biskupy zaprasili Papu Lva XIV naviedać Biełaruś
Pieršymi biełarusami, jakija sustrelisia z novym Papam, stała delehacyja hreka-katolikaŭ
Kamientary
[Zredahavana]
Jeśli smotrieť na to, čto Boha zadvihajut v UHOŁ !