Biełaruska paskardziłasia, što ŭ pašparcie jaje dački nie napisali imia tak, jana chacieła — Estelle Thandie

Estel piać hadoŭ, jana žyvie ŭ Biełarusi razam z mamaj. Jaje tata rodam z Paŭdniova-Afrykanskaj Respubliki, i tolki tydzień tamu jon pryjechaŭ u Biełaruś i ŭpieršyniu ŭžyvuju ŭbačyŭ dačku.

Mama Estel zapisała rolik, dzie raskazała, adkul u dziaŭčynki takoje imia i jak jana sprabavała zrabić małoj pašpart na jaho.

@katkatrusia V Biełarusi nielzia prosto vziať i zapisať imia tak, kak ono jesť v orihinale. My dali dočkie krasivoje dvojnoje imia inostrannoho proischoždienija — Estelle (vybrała ja), a vtoroje Thandie dał otiec. Eto tradicionnoje afrikanskoje imia plemieni Zułu, označajet «lubimaja» V Biełarusi Nužno śledovať strohim praviłam transkripcii. Poetomu Estelle prievratiłoś v Estel, a Thandie v Tandi. Vy stałkivaliś s takim? Kak vychodili iz situacii? #imia #pasportnyjstoł #pasport #smienaimieni #tiktokriek #popularnoje #chočuvrieki ♬ Sad Music - Max-Music

Nasamreč hetaje imia składajecca ź dźviuch častak. Pieršuju častku, Estelle, vybrała sama Kaciaryna, a druhuju, Thandie, prydumaŭ tata małoj — Kaciaryna kaža, što słova aznačaje «lubimaja».

A dalej pačalisia biurakratyčnyja pytańni.

Pakolki Estel naradziłasia ŭ Biełarusi, jaje samy pieršy dakumient, paśviedčańnie ab naradžeńni, byŭ vydadzieny na biełaruskaj i ruskaj movach. Tam, vyhladaje, zapisali Estel/Estiel i Tandzi/Tandi.

Kali ž dziaŭčyncy afarmlali pašpart, daviałosia vykonvać strohija praviły transkrypcyi.

«Ja ŭprošvała dziaŭčynu ŭ pašpartnym stale, ale atrymała tolki tabličku ź litarami. Tamu [zadumanaje] Estelle pieratvaryłasia ŭ Estel, [a zadumanaje] Thandie — u Tandi», — narakaje maci.

Kaciaryna robić niesuciašalnuju vysnovu — pašpartny stoł sapsavaŭ imia jaje dački.

Imiony i proźviščy biełarusaŭ pieradajuć na łacincy adpaviedna ź instrukcyjaj MUS ad 2008 hoda. Kali zajaŭnik nie paznačaje sam, jak pavinna vyhladać jaho imia i proźvišča na łacincy, danyja pieravodziać na łacinku ź biełaruskaj movy ŭ adpaviednaści ź instrukcyjaj.

Kaciaryna nie tłumačyć padpisčykam, ci pisała jana svoj varyjant — bo situacyja nasamreč vyhladaje dziŭnaj. Kali b nie paznačyła ŭ zajavie nijakaha varyjantu, to pavinna była prymianicca tranślitaracyja ź biełaruskaj movy — a značyć, Tandzi. A kali jana ŭsio ž pisała svoj varyjant, to mahła b ukazać pažadanaje Estelle Thandie.

Rolik nabraŭ za sutki 91 tysiaču prahladaŭ i bolš čym 600 kamientaroŭ. Nie abyšłosia biez rasizmu: Kaciarynie paraili, kali joj niešta nie padabajecca, źjazdžać u Afryku.

• 1
• 0
• 4
• 12
• 1
• 0
• 1
• 0