Jak pracuje amnistyja — dziaŭčyna, jakoj dali za narkotyki 12 hadoŭ, vyzvaliłasia praź piać
22-hadovaja viciablanka Kaciaryna Makaranka trapiła za kraty jašče padletkam.
Adnoj z vyzvalenych pa amnistyi-2025 stała žycharka Viciebska Kaciaryna Makaranka. Jaje jurydyčnyja abstaviny nie da kanca zrazumiełyja, adnak dazvalajuć pabačyć, jak moža pracavać zakanadaŭstva ŭ niepalityčnych spravach.
Kaciaryna trapiłasia na narkotykach jašče 17-hadovaj. «Školnica z dobraj siamji paznajomiłasia nie z tym chłopcam», — havorycca ŭ repartažy pra jaje. Spačatku spažyvała, potym stała raspaŭsiudžvać. U vyniku škołu jana skančvała ŭžo ŭ SIZA.
Dziaŭčynie prysudzili 12 hadoŭ źniavoleńnia, adnak joj na ruku zhulała niekalki amnistyj, jakija skaračali termin. A jašče toj fakt, što jana ździejśniła złačynstva jašče niepaŭnaletniaj — za košt hetaha čas u SIZA joj zaličyŭsia jak dzień za dva, a taksama jana mahła pretendavać na raniejšaje ŭmoŭna-daterminovaje vyzvaleńnie.
Kaciarynu pieraviali ŭ žanočuju kałoniju ŭ Homiel. Kolki jana tam prabyła, nieviadoma, ale apošnim časam jana adbyvała pakarańnie ŭ kałonii-pasialeńni ŭ Baranavičach. Heta ŭstanova z palehčanymi ŭmovami ŭtrymańnia.
29 maja 2025 hoda Kaciarynie Makaranka prymianili čarhovuju amnistyju. Uvieś nieadbyty termin — jon nie nazyvajecca, ale chutčej za ŭsio, nie pieravyšaje hod, — joj zastaniecca pravieści na chatniaj chimii.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy17
Kamientary