U Rasii abrynuŭsia druhi za noč čyhunačny most. Padazrajuć dyviersiju
U Kurskaj vobłaści abrynuŭsia čyhunačny most padčas prachodžańnia pa im hruzavoha ciahnika. Častka vahonaŭ zvaliłasia na aŭtamabilnuju darohu, jość paciarpiełyja.
Unačy ŭ Žaleznahorskim rajonie Kurskaj vobłaści abrynuŭsia čyhunačny most, kali pa im prachodziŭ hruzavy łakamatyŭ.
Jak paviedamiŭ kiraŭnik Kurskaj vobłaści Alaksandr Chinštejn, častka tavarnaha pojezda ŭpała na darohu pad mostam. Ciepłavoz zahareŭsia.
U vyniku zdareńnia, papiarednie, paciarpieli nie mienš za troch čałaviek. Adzin z mašynistaŭ z traŭmami noh byŭ dastaŭleny ŭ balnicu
Aŭtamabilnaja daroha pad mostam pierakryta. Pavodle papiaredniaj infarmacyi, pryčynaj zdareńnia mahła stać dyviersija.
Napiaredadni ŭ Branskaj vobłaści abrynuŭsia aŭtamabilny most, z-za čaho syšoŭ z rejek pasažyrski ciahnik, jaki nakiroŭvaŭsia ŭ Maskvu. U vyniku toj avaryi zahinuli siamiora čałaviek, kala 70 atrymali traŭmy.
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary