Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam
Chrysta Hrozieŭ, adzin z suaŭtaraŭ rasśledavańnia «Anžalika i tajny ahient. Jak kachańnie pahubiła śpikiera biełaruskaj apazicyi», vykazaŭ svoj pohlad na historyju Anžaliki Mielnikavaj.
U intervju kanału «Dožd́» Chrysta Hrozieŭ vykazaŭ dapuščeńnie, što Anžalika Mielnikava «jak minimum hod, a chutčej za ŭsio, paŭtara hoda, pieradavała infarmacyju biełaruskim śpiecsłužbam». I źviazvaje jon heta mienavita sa znajomstvam žančyny z Alaksiejem Łabiejevym, jakoje adbyłosia ŭ 2023 hodzie.
Pa słovach Hrozieva, Łabiejeŭ «vykupiŭ bilet na svajo i jaje imia … na vylet z Maskvy». Mienavita pa hetych biletach rasśledavalniki vyjavili ich suviaź.
«Ja mahu čysta analityčna havaryć, bo my nie bačym čaty pamiž imi, nie viedajem, kali mienavita jon raskryŭ svaju sapraŭdnuju asobu. Ale zvyčajna (ja takich vypadkaŭ šmat rasśledavaŭ, uklučajučy i rasijskich špijonaŭ, jakija vierbavali zachodnich ahientaŭ-siłavikoŭ) jany spačatku ŭlublajuć. Raźvivajecca, razharajecca žarść pamiž imi, prachodziać niejkija stupieni adnosin. I tolki praź niekatory čas, prykładna šeść miesiacaŭ, im raskryvajecca toje, što im treba niešta rabić dla druhoha boku», — davodzić Hrozieŭ.
Pa jaho słovach, pa padobnym scenary mahła być zavierbavanaja i Anžalika Mielnikava.
Žurnalist taksama nie vyklučaje mahčymaści taho, što biełaruski bok moh vykarystać i niejkija ryčahi cisku, a nie tolki «šarm Alaksieja»:
«My bačym, što pieršy raz, kali jon lacieŭ, kab sustrecca z Anžalikaj…, jon lacieŭ razam ź jaje mamaj, jakaja žyła ŭ Biełarusi. Całkam mahčyma, što heta byŭ niejki sihnał, što, bačycie, vaša mama, my možam rašać, kali vy jaje možacie ŭbačyć. To-bok, całkam mahčyma, što byŭ dvajny płast upłyvu na jaje, emacyjny z-za ramantyčnych adnosin, i niejki namiok na cisk, pahrozy».
Hrozieŭ śćviardžaje, što małaimavierna, kab Mielnikava była špijonkaj da znajomstva z Łabiejevym. Pa jaho słovach, «Kibierpartyzany» «rabili padrabiazny bekhraŭnd-ček pa joj i nie znajšli na momant pačatku jaje pracy ź biełaruskaj apazicyjaj nijakich prykmiet jaje pracy z KDB ci vajskovaj raźviedkaj».
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia
«Mahčyma, jana źbiehła ad kachanka, ci jon jaje zabiŭ, ci jana ŭ Biełarusi». Aŭtar rasśledavańnia pra Anžaliku Mielnikavu
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT3
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
[Zredahavana]