Ispanskija navukoŭcy šukajuć ludziej, hatovych čatyry hady štodnia pić vino
U Ispanii pačynajecca vialikaje daśledavańnie, dla patrebaŭ jakoha šukajuć 3 500 čałaviek, jakija buduć pić pa šklancy vina štodnia na praciahu čatyroch hadoŭ. Hetaja navukovaja rabota — samaja bujnaja ŭ śviecie kliničnaja sproba vyvučyć, jak umieranaje ŭžyvańnie ałkaholu ŭpłyvaje na zdaroŭje, piša vydańnie Olive Press.
U daśledavańni, jakoje viadzie Univiersitet Navary, voźmuć udzieł 10 000 ludziej va ŭzroście ad 50 da 75 hadoŭ. Navukoŭcy buduć sačyć za tym, jak štodzionnaje spažyvańnie vina, piva ci mocnych napojaŭ paŭpłyvaje na ryzyku sardečnych chvarob, raku, psichičnych zachvorvańniaŭ i ahulnuju praciahłaść žyćcia.
Prajekt finansujecca Jeŭrapiejskaj navukovaj radaj i maje biudžet u 2,4 miljona jeŭra. Kiruje daśledavańniem prafiesar Mihiel Anchiel Marcines-Hansales, ekśpiert u halinie sardečna-sasudzistaj miedycyny.
Pa stanie na hety momant u daśledavańni ŭžo ŭdzielničajuć 6 500 čałaviek, i arhanizatary šukajuć jašče 3 500 da červienia 2025 hoda. Udzielniki pavinny być žycharami Ispanii, mužčynami va ŭzroście 50-70 hadoŭ abo žančynami 55-75 hadoŭ i rehularna ŭžyvać ałkaholnyja napoi.
Tyja, chto nie ŭžyvaje ałkahol ci maje supraćpakazańni pa zdaroŭi, u daśledavańnie nie prymajucca.
Padčas daśledavańnia ŭdzielniki buduć prachodzić ankietavańni, udzielničać u anłajn-sustrečach ź miedycynskimi śpiecyjalistami i prachodzić štohadovyja miedahlady.
Prajekt padtrymlivajuć bolš za 500 śpiecyjalistaŭ: daktary, dyjetołahi i psichołahi. Univiersitet Valjadalida kaardynuje daśledavańnie ŭ Kastylii i Leonie i pravodzić asobnaje daśledavańnie pra ŭpłyŭ ałkaholu na jakaść snu.
Hety prajekt, jak miarkujecca, dapamoža atrymać nadziejnyja danyja pra ŭpłyŭ umieranaha spažyvańnia ałkaholu na zdaroŭje, kab lepš sfarmiravać miedycynskija rekamiendacyi ŭ budučyni.
Daśledavańnie nie prapahanduje ŭžyvańnie ałkaholu, a imkniecca vyznačyć, ci jość u im karyść dla zdaroŭja ŭ pamiarkoŭnych kolkaściach.
Aryštavany 75‑hadovy Źmicier Sańko — vieteran-vydaviec3
Kamientary