U Brytanii źniali z prodažu modnyja lalki-monstry Łabubu — praź ich zdaralisia bojki pamiž pakupnikami
Prychilniki modnych lalek Łabubu aburajucca ŭ sacsietkach: vytvorca źniaŭ cacki z usich brytanskich kram paśla paviedamleńniaŭ pra bojki pakupnikoŭ.
Kampanija Pop Mart, jakaja vyrablaje cacki-monstry, paviedamiła Bi-bi-si, što prypyniła ich prodaž va ŭsich 16 svaich kramach da červienia, kab «praduchilić lubyja patencyjnyja prablemy ź biaśpiekaj».
Prychilnica Łabubu Viktoryja Kałviert raspaviała, što stała śviedkaj bojki ŭ kramie ŭ Stratfardzie na paŭnočnym uschodzie Łondana.
«Apynułasia ŭ durnoj situacyi — ludzi bilisia i kryčali, a mnie było strašna».
Miakkija cacki stali trendam TikTok paśla taho, jak ich stali nasić takija znakamitaści, jak Ryjana i Dua Lipa.
Niekatoryja ekśpierty pa roźničnym handli papiaredžvajuć, što prypynieńnie pastavak tolki ŭzmocnić popyt Łabubu — niezvyčajnaja cacka-monstr, jaje stvaryŭ mastak z Hankonha Kasinh Łunh. Dziakujučy jaho supracoŭnictvu z kramaj cacak Pop Mart lalka zdabyła vielizarnuju papularnaść i stała modnym aksesuaram.
U Brytanii ceny na jaje mohuć varjiravacca ad 13 z pałovaj da 50 funtaŭ, a redkija asobniki pradajucca na anłajn-aŭkcyjonach za sotni funtaŭ.
Kampanija Pop Mart paabiacała, što raspracuje bolš prymalnuju sistemu prodažaŭ, kab viarnuć cacki na palicy kram.
Fanaty ŭ sacsietkach aburanyja rašeńniem prybrać lalek z roźničnaha handlu.
«Heta vaša vina, vy raspradajacie ich patrochu, što i vyklikała hety ažyjataž», — prakamientavaŭ post Pop Mart u Instagram adzin z karystalnikaŭ.
Inšyja abrynuli svoj hnieŭ na pierakupščykaŭ.
«Jany pierapradajuć Łabubu pa 100 funtaŭ za štuku, što aburalna. Jak tak atrymlivajecca, što jany mohuć kupić, a inšyja ludzi nie?!»
«Było davoli strašna»
Viktoryja Kałviert raspaviała, što la kramy ŭbačyła pakupnikoŭ, jakija čakali zvonku z treciaj ranicy, niekatoryja načavali ŭ namiotach.
«Kali ja pryjšła tudy, vakoł toŭpiłasia šmat ludziej i panavała niehatyŭnaja atmaśfiera», — skazała jana.
«Ludzi kryčali, što bolš nie zastałosia Łabubu. Ja navat stała śviedkaj bojki pamiž rabotnikam i pakupnikom».
Pa słovach Viktoryi, jana pajšła, tamu što nie adčuvała siabie ŭ biaśpiecy: «było davoli strašna».
«Choć ni adzin supracoŭnik Pop Mart nie paciarpieŭ, my vyrašyli dziejničać zahadzia i praduchilić uźniknieńnie lubych patencyjnych prablem ź biaśpiekaj», — paviedamili Bi-bi-si pradstaŭniki kampanii.
«Vierahodna, heta da lepšaha», što Pop Mart prypyniŭ prodažu ŭ kramie, ličyć Viktoryja.
Na jaje dumku, niekatoryja ludzi ŭ pačatku čarhi byli pierakupščykami, tamu što»iak tolki jany atrymlivali bilet, jaki dazvalaŭ kupić Łabubu, jany, pa ŭsioj bačnaści, pierapradavali jaho za 150 funtaŭ». Džejdzi, dyrektar pa markietynhu, jakaja publikuje videa raspakavańnia cacak Łabubu ŭ TikTok, abvinavačvaje pierakupščykaŭ u tym, što jany psujuć zadavalnieńnie ad trendu.
«Ja ŭsio žyćcio pražyła ŭ Łondanie, i tam poŭna pierakupščykaŭ, jakija hetym zajmajucca», — skazała jana.
«Heta sapraŭdy sumna, ale dla sapraŭdnych fanataŭ heta vydatnaja navina i pravilnaje rašeńnie, — skazała jana. — Ciapier ja mahu zajści ŭ Pop Mart, nie stojačy ŭ čerhach» Siuzana Stryter, kiraŭnik adździeła finansaŭ i rynkaŭ u Brytanskaj inviestycyjnaj kampanii Hargreaves Lansdown, ličyć, što da fanackaha ažyjatažu pryviali abmiežavanyja zapasy cacak na bazach Pop Mart i prodaž lalek u zakrytych skrynkach.
«Vielizarnyja niekantralujemyja natoŭpy, jakija źbirajucca ŭ dni, kali cacak u prodažy mała, vidavočna stali surjoznym hałaŭnym bolem», — skazała jana.
Jana papiaredziła, što prypynieńnie prodažaŭ, vierahodna, pryviadzie da rostu popytu i aktyvizacyi handlu ŭ anłajnie, choć lalki tam raspradajucca za ličanyja siekundy. Pavodle jaje, jość ryzyka kupić padroblenyja Łabubu.
Zasnavalnik kansałtynhavaj kampanii Flourish Retail Sara Džonsan nazyvaje prypynieńnie prodažaŭ Łabubu «stratehičnym rašeńniem». Takija kalekcyjnyja brendy vykarystoŭvajuć deficyt jak mahutny instrumient, skazała jana.
«Łabubu vierniecca na pryłaŭki ŭ červieni, ciapier my pracujem nad novym miechanizmam prodažaŭ, jaki budzie lepš strukturavany i bolš spraviadlivy dla ŭsich udzielnikaŭ», — paviedamili ŭ kampanii Pop Mart.
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9
Kamientary