Cana siadzibnaha domu ŭ styli poźniaha kłasicyzmu 1854-1856 hh. pakul nie vyznačanaja.
Cana siadzibnaha domu ŭ styli poźniaha kłasicyzmu 1854-1856 hh. pakul nie vyznačanaja. U Vaŭkavyskim rajvykankamie rychtujuć nieabchodnyja dakumienty.
Siadzibny dom Bochvicaŭ u v. Padarosk Vaŭskavyskaha rajonu vystaŭleny na tarhi. Adpaviednaja infarmacyja źjaviłasia na sajcie Vaŭkavyskaha rajvykankamu. Što praŭda, infarmacyi tam niebahata — niama ni daty praviadzieńnia aŭkcyjonu, ni mierkavanaj pačatkovaj cany domu. Viadoma tolki, što budynak, karysnaja płošča jakoha składaje 990 kv.m., prapanujecca ŭ adčužeńnie. U adździele kultury rajvykankamu patłumačyli, što z dataj praviadzieńnia tarhoŭ vyznačacca tolki praź miesiac, kali buduć padrychtavanyja ŭsie nieabchodnyja dakumienty. «A potym užo budzie zroblenaja acenka abjekta, paśla čaho źvierniemsia ŭ Ministerstva kultury pa dazvoł na prodaž siadziby», — paviedamili ŭ adździele kultury.
Raskazali ŭ rajvykankamie i pra spravy ŭ v. Kraski, dzie rasijski biźniesoviec za $105000 nabyŭ pałacava-parkavy kompleks.Vadzim Sielichaŭ zajaviŭ, što źbirajecca adrestaŭravać pałac u Kraskach i žyć u im. Pracy, najpierš u parku, musili pačacca viasnoj.
U adździele kultury skazali, što na dadzieny momant biźniesoviec ščylna pracuje z navukoŭcami, šukaje źviestki pra pieršapačatkovy vyhlad pałacu, kab adnavić jaho. Pracy na terytoryi kompleksu pakul nie pačalisia.«U pieršuju čarhu novy ŭładalnik choča navieści paradak u parku, jaki za apošnija hady zaniapaŭ. Zaraz Sielichaŭ kansultujecca ź śpiecyjalistami, kab pravieści invientaryzacyju drevaŭ», — raskazali ŭ rajvykankamie.
***
Haspadarami majontka ŭ Padarosku ŭ roznyja časy byli Kłočki, Dolskija, vychadcy ź Italii Scypijo del Kampa, Hryboŭskija, Čačoty. U 1854 hodzie majontak nabyŭ syn viadomaha fiłosafa Fłaryjana Bochvica, Raman. Jon i pierabudavaŭ siadzibny dom u styli poźniaha kłasicyzmu ŭ 1854-1856 hh. Pry im byŭ pabudavany śpirtzavod, vadziany młyn (nie zachavaŭsia), suknavalnia (zachavaŭsia fundamient) i inš. U našy dni ŭ siadzibie znachodziłasia škoła, praŭleńnie saŭhasu. Z 2004 h. dom pustuje. Apošniaja rekanstrukcyja tut pravodziłasia ŭ 1991 h.
Vioska Padarosk znachodzicca pa darozie z Hrodna ŭ Brest. Upieršyniu zhadvajecca ŭ 1522 h. U 1660 hodzie Padarosk atrymaŭ Mahdeburskaje prava.
Ciapier čytajuć
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca10
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary