U KR vybirajuć vice-śpikierku. Debataŭ nie atrymałasia, bo bałatavałasia tolki Lizavieta Prakopčyk
Nichto inšy ź dziasiatkaŭ delehataŭ nie zachacieŭ stać vice-śpikieram.
U Kaardynacyjnaj radzie adbyvajucca biezalternatyŭnyja vybary vice-śpikierki. Pasadu maje zaniać Lizavieta Prakopčyk z Moładzievaha nastupu» — jana adzinaja kandydatka na pasadu.
Lizavieta Prakopčyk naradziłasia ŭ Mahilove, vyrasła ŭ Pružanach. U 2016-2020 vučyłasia ŭ Minskim dziaržaŭnym linhvistyčnym univiersitecie, adkul była adličana za zakliki studentaŭ da strajku. Z 2024 źjaŭlajecca hienieralnaj sakratarkaj Biełaruskaha nacyjanalnaha moładzievaha savietu RADA.
Mierkavałasia, što na pasiadžeńni Kaardynacyjnaj rady adbuducca debaty pamiž pretendentami na pasadu, adnak pakolki inšych achvotnych bałatavacca nie było, Prakopčyk vystupała ŭ adzinocie.
Z efiru KR tak i nie stała zrazumieła, ci Prakopčyk budzie druhoj vice-śpikierkaj (u dadatak da Stasi Hlińnik), ci adzinaj.
Kali novy śpikier KR Arciom Bruchan prezientavaŭ kandydatku, to nijak nie akreślivaŭ, što adna vice-śpikierka ŭžo isnuje. Dyj sama Prakopčyk raskazvała, jak mahła b dzialić abaviazki sa śpikieram — ale ni słova nie kazała pra druhuju vice-śpikierku.
Pra ŭviadzieńnie novaj pasady zahavaryŭ u svaim vystupie tolki Pavieł Łatuška, jaki padziakavaŭ usim, što ideja jaho kaalicyi ab stvareńni pasady druhoj vice-śpikierkaj była padtrymanaja.
Kamientary
I vam pryjdziecca tolki niešta rabić za maimi słovami. A nie prosta siadzieć i dałoni časać.
" - Što-što vy havorycie? Nie maja sprava?..."
Nu dobra tady. Pačakaju inšaj rady-narady. Pačakaju jašče...:)