U Šviecyi znajšli miortvym dypłamata, jakoha raniej aryštavali pa padazreńni ŭ špijanažy
U Šviecyi znojdzieny miortvym dypłamat, jakoha raniej aryštavali pa padazreńni ŭ špijanažy. Jon byŭ zatrymany ŭ niadzielu, ale ŭžo ŭ sieradu jaho adpuścili z-pad varty. Praz dva dni paśla vyzvaleńnia mužčynu znajšli miortvym, paviedamlaje Bi-bi-si.
Ministerstva zamiežnych spraŭ Šviecyi paćvierdziła śmierć svajho supracoŭnika, ale admoviłasia raskryvać padrabiaznaści dziela pavahi da jaho siamji.
Advakat pamierłaha, Anton Strand, raskazaŭ, što jahony klijent znachodziŭsia ŭ balnicy z traŭmami, jakija nibyta atrymaŭ padčas aryštu. Jon taksama padaŭ skarhu ŭ palicyju na praźmiernaje vykarystańnie siły supracoŭnikami słužby biaśpieki.
Šviedskija ŚMI paviedamlajuć, što zahinuły byŭ vysokapastaŭlenym dypłamatam, jaki pracavaŭ u roznych ambasadach. Śledstva taksama razhladała mahčymuju suviaź hetaha dypłamata z daradcam urada pa nacyjanalnaj biaśpiecy Tobijasam Ciubierham, jaki niadaŭna padaŭ u adstaŭku paśla skandału z uciečkaj asabistych fatahrafij.
Imia zahinułaha aficyjna nie nazyvajecca, ale žurnalistam udałosia paćvierdzić, što heta byŭ toj samy čałaviek, jakoha raniej padazravali ŭ špijanažy. Palicyja viadzie ŭnutranaje rasśledavańnie śmierci, ale zajaŭlaje, što prykmiet złačynstva pakul niama.
Pamočnika deputata ad «Alternatyvy dla Hiermanii» aryštavali pa padazreńni ŭ špijanažy na Kitaj
Izrailcianina, jaki skardziŭsia na toje, što biełaruskaja žonka jamu vielmi doraha abychodzicca, asudzili na 10 hadoŭ za špijanaž
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
Kamientary