Biełaruskija navukoŭcy raspracavali novy vid ekałahičnaj adnarazovaj upakoŭki — papiarovyja kubački, pakrytyja bijaraskładalnaj plonkaj z paliłaktydu (materyjał na asnovie małočnaj kisłaty z raślinnaj syraviny). U adroźnieńnie ad zvyčajnych kubačkaŭ, dzie vykarystoŭvajecca polietylen, novy materyjał nie škodzić navakolnamu asiarodździu, bo całkam raskładajecca i nie ŭtvaraje mikrapłastyk, piša BiełTA.
Raspracoŭka stała mahčymaj dziakujučy supracoŭnictvu Instytuta chimii novych materyjałaŭ NANB, Instytuta mikrabijałohii i BDU.
Zamiest darahoha čystaha paliłaktydu jany vyrašyli vykarystoŭvać tańniejšy varyjant: zvyčajnuju papieru ź vielmi tonkim pakryćciom paliłaktydu. Heta dazvalaje zachavać vilhacieniepranikalnaść, tryvałaść i mahčymaść termaspajki, jak u polietylenu, ale bieź jaho škodnaha ŭździejańnia.
Ciapier pieršaja partyja takoj upakoŭki prachodzić pravierku biaśpieki. U budučyni płanujuć vykarystoŭvać materyjał nie tolki dla kubačkaŭ, ale i dla inšych vidaŭ upakoŭki.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary
Ałkašy ŭsie chmyźniaki butelkami ad piva zakidali.
I dla čypsaŭ taksama.