Dačka Pucina žyvie ŭ Paryžy i pracuje ŭ halerei, dzie vystaŭlajuć antyvajennaje mastactva
Pazašlubnaja dačka Pucina pradstaŭlajecca Lizavietaj Rudnovaj (sapraŭdnaje imia — Lizavieta Kryvanohich).
Piśmieńnica i paetka Naścia Radzivonava, jakaja žyvie ŭ Francyi, raspaviała ŭ fejsbuku, što ŭ paryžskaj l Galerie pracuje Lizavieta Kryvanohich — dačka Uładzimira Pucina i akcyjaniera banka «Rasija» Śviatłany Kryvanohich, piša «Mieduza».
U hetaj halerei siarod inšaha vystaŭlajuć pracy rasijskich i ŭkrainskich antyvajennych mastakoŭ. Dyrektar Asacyjacyi L'association (u jakuju ŭvachodziać La Galerie i Studio Albatros) Dźmitryj Dalinski paćvierdziŭ «Miaduzie», što ŭ halerei sapraŭdy pracuje dačka Śviatłany Kryvanohich.
Jon taksama zajaviŭ, što nie bačyć etyčnych supiarečnaściaŭ u tym, što Lizavieta pracuje ŭ jaho halerei. Dziaŭčyna, padkreśliŭ jon, užo niekalki hadoŭ nie žyvie ŭ Rasii, i ni ŭ adnaho z mastakoŭ nie było pryčyn padazravać jaje ŭ tym, što jana «niejak topić za palityku rasijskaj dziaržavy abo vajnu».
«Jana žyła z mamaj i svajho baćki nie viedaje», — skazaŭ Dalinski.
Lizavieta vučycca ŭ Paryžy i prachodzić stažyroŭku ŭ ramkach svajoj vučebnaj prahramy.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha89
Kamientary