Amal u siaredzinie miesiaca dzionnaja tempieratura ledź daciahvaje da 15 hradusaŭ, a sinoptyki jašče i nahniatajuć: «iduć zamarazki, abjaŭlena štarmavoje papiaredžańnie». A tut jašče i adklučeńnie haračaj vady na nosie. Z 15 maja pavinny pačać jaje adklučać, nahadvaje Onliner.by.
«Ja žyvu ŭ domie na Karalinskaj, 8. Naš adras u śpisie na adklučeńnie haračaj vady z 15 maja. A nadvorje sami bačycie jakoje, pavodle prahnozu ŭ bližejšyja dni budzie 12—14 hradusaŭ ciapła ŭdzień. U mianie dvoje maleńkich dziaciej (piać hadoŭ i siem miesiacaŭ). U nas jość pratočny nahravalnik, ale z-za taho, što pravodka staraja, korki to i sprava vybivaje, na maksimum jaho nie ŭklučyš. To bok mnie daviadziecca hreć kastruli abo myć dziaciej ledź ciopłaj vadoj z nahravalnika. Adno kali leta, śpioka. Inšaje — kali choładna nie tolki na vulicy, ale i doma. Moža, kamunalnym arhanizacyjam varta było b pierahledzieć hrafik i adkłaści adklučeńnie haračaj vady», — razvažaje minčanka Kaciaryna.
Paviesialić z adklučeńniem haračaj vady było b vielmi darečy. Ale, naprykład, na sajcie «Minskenierha» visiać staryja (i zusim nie radasnyja) hrafiki. Adnak nadzieja jość. Voś što nam raspaviali na pradpryjemstvie:
— Ciapier uklučana aciapleńnie dla pieršaj katehoryi: balnicy, dziciačyja sady, škoły. I pakul u ich budzie aciapleńnie, my vam nie vyklučym vadu. Kali raptam horad vyklučyć u ich aciapleńnie, to i my možam adrazu adklučyć haračuju vadu. Heta vyrašaje horad.
Značyć, sočym za paviedamleńniami Minharvykankama i spadziajomsia, što prynamsi da kanca tydnia «vientyl» nie pierakrojuć.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary