Navukoviec paviedamiŭ pra «katastrafičnuju situacyju» na poŭdni Biełarusi z-za azijackaha matylka, paviedamlaje telehram-kanał «De facto. Biełaruskaja navuka».
Na pres-kanfierencyi 7 maja, pryśviečanaj baraćbie ź invaziŭnymi vidami raślin i žyvioł, zahadčyk łabaratoryi fłory i sistemy raślin Instytuta ekśpierymientalnaj bataniki NAN Siarhiej Saŭčuk raspavioŭ:
«U paŭdniovych rajonach nazirajecca katastrafičnaja situacyja ŭ adnosinach da samšyta zvyčajnaha. Źjaviłasia Ahnioŭka samšytavaja. Tydni dva tamu my byli ŭ kamandziroŭcy ŭ Małaryckim rajonie: tam kala čyhunačnaha vakzała i kala pryvatnych damoŭ prosta źniščanyja vysachłyja pasadki samšytu».
Samšyt — heta viečnazialonyja chmyźniaki i drevy. Ahnioŭka samšytavaja — matylok, jaki pieršapačatkova žyŭ u Japonii, Kitai i Indyi, dzie kolkaść škodnika rehulujecca naturalnymi vorahami. Ale ŭ apošnija dziesiacihodździ jon pranikaje ŭ krainy Jeŭropy, dzie jamu nichto nie pahražaje.
U Biełarusi pieršy ačah Ahnioŭki samšytavaj znajšli ŭ 2019-m. Praz dva hady matylok za niekalki dzion źniščyŭ chmyźniaki ŭ centry Bresta, jakija pryjšłosia vykarčavać (na zdymku).
Kamientary
Ad jaho paratunku amaļ niama. Kali prybjecca da nas - hamon liasam. Pacikaūciasia, što heta za čartaūščyna, heta vam nie Kalaradzki žuk...... U Kanadzie ūžo daūno aliarmujuc`.
sejm šyt, difrent nejm