Ułady Litvy i Łatvii zakryli pralot u Maskvu samalota prezidenta Sierbii
Ułady Litvy i Łatvii zabaranili pralot praz svaju pavietranuju prastoru samalota prezidenta Sierbii Alaksandra Vučyča, jaki choča palacieć u Maskvu na pucinski parad, paviedamlaje sierbskaje vydańnie «Viečierњie novosti». Z padobnymi prablemami sutykajecca i premjer-ministr Słavakii Robiert Fica.
U Litvie patłumačyli hetaje rašeńnie «techničnymi i dypłamatyčnymi abstavinami». Łatvijskija ŭłady źviazali zabaronu z «palityčnaj adčuvalnaściu mety palotu», paviedamlajuć sierbskija.
Alaksandra Vučyča nazyvali ŭ liku zaprošanych haściej na parad Pieramohi ŭ Maskvie. 3 maja prezident Sierbii adčuŭ siabie kiepska i daterminova spyniŭ vizit u ZŠA, a paśla viartańnia ŭ Białhrad byŭ špitalizavany. Z-za hetaha jahony vizit u Maskvu apynuŭsia pad pytańniem.
Paviedamlajecca taksama, što z padobnymi prablemami sutyknuŭsia taksama jašče adzin jeŭrapiejski lidar, jaki choča trapić na parad u Maskvie 9 maja — premjer-ministr Słavakii Robiert Fica. Jaho samalot nie chočuć prapuskać Polšča i Litva. Raniej paviedamlałasia, što ŭ Ficy, jak i ŭ Vučyča, taksama ŭźnikli prablemy sa zdaroŭjem.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu139139
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu139
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary