Prapahanda kpić z kolkaści źniavolenych u Polščy, zabyŭšysia pahladzieć na biełaruskija turmy
«Pra pierapoŭnienaść pienitencyjarnaj sistemy možna z upeŭnienaściu kazać, kali pakazčyk składaje bolš za 100 čałaviek na 100 000 žycharoŭ. To bok, u ich tam pierahruzka minimum udvaja», — pieražyvajuć za Polšču prapahandysckija «Žoŭtyja źlivy». Ale jany pramaŭčali pra Biełaruś.
Jeŭrastat apublikavaŭ danyja pa kolkaści źniavolenych u turmach.
U 2023 hodzie ŭ ES było kala 499 000 źniavolenych, što na 3,2% bolš u paraŭnańni z 2022 hodam. Na 100 000 čałaviek prypadała 111 źniavolenych, što krychu bolš, čym u 2022 hodzie, kali hety pakazčyk składaŭ 108.
U pieryjad z 1993 pa 2023 hod najbolšaja kolkaść źniavolenych była zafiksavana ŭ 2012 hodzie (553 000 źniavolenych).
Pry paraŭnańni krain ES, najvyšejšy ŭzrovień źniavolenych na 100 000 čałaviek u 2023 hodzie byŭ u Polščy (203), za joj iduć Vienhryja (187) i Čechija (181).
Z hetaj nahody vybuchnuła radaściu prapahanda.
«Ura, tavaryšy! Polšča znoŭ pieršaja! Kraina ŭpeŭniena lidziruje ŭ jeŭrapiejskim rejtynhu pa kolkaści źniavolenych. Pavodle źviestak Jeŭrastata, u 2023 hodzie Polšča zafiksavała samy vysoki siarod krain Jeŭraźviazu pakazčyk kolkaści źniavolenych u pieraliku na 100 000 žycharoŭ — 203 čałavieki.
Pišuć, što pra pierapoŭnienaść pienitencyjarnaj sistemy možna z upeŭnienaściu kazać, kali pakazčyk składaje bolš za 100 čałaviek na 100 000 žycharoŭ. To-bok u ich tam pierahruzka minimum udvaja. Dla krainy, jakaja susiedziaŭ nazyvaje «kancłahieram», tak sabie pakazčyk», — pišuć «Źlivy».
Ale što ź pierahruzkaj ajčynnaj pienitencyjarnaj sistemy? Dakładnyja źviestki pa kolkaści źniavolenych Biełstat ciapier nie publikuje.
Kiraŭnik Administracyi Dźmitryj Kruty dniami skazaŭ, što ŭ Biełarusi za kratami ŭtrymlivajucca kala 20 tysiač čałaviek. Navat kali jon nazvaŭ praŭdzivuju ličbu, u čym jość sumnievy, to atrymlivajecca, što ŭ Biełarusi na 100 tysiač čałaviek prychodzicca 220 viaźniaŭ.
I kali ŭ Polščy ŭ turmach znachodziacca sapraŭdnyja złačyncy, to ŭ Biełarusi — tysiačy palitviaźniaŭ.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie21
Kamientary
v IVS i SIZO - hriaź, chołod, voń, hribok, antihumannyje usłovija, v kołonijach połučšie, no prinuditielnyj biestołkovyj trud za 1-5 rublej v miesiac. tam ty "nikto" i zvať tiebia "nikak". miediciny niet kak kłassa. pytki v ŠIZO vpołnie bukvalnyje. pitanije, primierno kak i u viertuchajskich sobak. dostup k informacii zakryt, k obŝieniju s rodstvieńnikami očień žiestko ohraničien.
etoho vsieho v ES niet. da, nie sanatorij, no vsie čisto, akkuratno, dostup k informacii, obŝieniju s rodstvieńnikami, normalnoje pitanije.
raźnica, kak mieždu katorhoj i volnym posielenijem.