Mužčyna ŭ Biarozaŭskim rajonie zrabiŭ pistalet-kulamiot na 3D-pryntary
U Biarozaŭskim rajonie 33-hadovaha miascovaha žychara abvinavačvajuć u samatužnym vyrabie ahniastrelnaj i pnieŭmatyčnaj zbroi, a taksama va ŭtrymańni vybuchovych rečyvaŭ. Zbroju jon zrabiŭ na 3D-pryntary. Jana prydatnaja da stralby.
Pavodle materyjałaŭ spravy, mužčyna skanstrujavaŭ 9-milimietrovy pistalet-kulamiot z dapamohaj 3D-pryntara i ślasarnych instrumientaŭ. Bolšaść detalaŭ zbroi byli nadrukavanyja z płastyku. Mietaličnymi zastalisia tolki stvoł, niekalki spružyn, bajok i vykidalnik — usio zroblenaje z padručnych materyjałaŭ.
U kanstrukcyi prysutničaje rehulavany teleskapičny prykład, łazierny pakazalnik, a taksama hłušyciel — taksama nadrukavany na pryntary.
Ekśpierty paćvierdzili, što stvoranaja madel źjaŭlajecca prydatnaja da stralby.
Akramia hetaha, abvinavačvany samastojna madyfikavaŭ pnieŭmatyčnuju vintoŭku — ustanaviŭ zamiest spružyny bajavuju hazavuju spružynu, pieraŭtvaryŭšy jaje ŭ mahutnuju spružynna-poršnievuju zbroju, piša prakuratura.
Na dopycie mužčyna zajaviŭ, što vyrablaŭ zbroju i bojeprypasy «z asabistaj cikavaści».
Spravu pieradali ŭ sud. Mužčyna znachodzicca pad chatnim aryštam.
Kamientary