Pucin patłumačyŭ, čamu vajna z Ukrainaj nie pačałasia ŭ 2014 hodzie
U 2014-m Rasija nie była hatovaja da «frantalnaha supraćstajańnia» z Zachadam i spadziavałasia na vyrašeńnie «prablemy Danbasa» mirnym šlacham, tamu pačynać «śpiecapieracyju» tady było nierealistyčna. Heta patrabavała padrychtoŭki, zajaviŭ Uładzimir Pucin u intervju prapahandystu Paŭłu Zarubinu.
Pa słovach Pucina, Rasija nie mahła «prystupić da jakich-niebudź rezkich dziejańniaŭ», nie pravioŭšy «adpaviednuju pracu ŭ śfiery biaśpieki, u śfiery budaŭnictva ŭzbrojenych sił i ŭ śfiery ekanomiki i finansaŭ».
Pucin śćviardžaje ŭ toj ža čas: «My śpiecyjalna nie rychtavalisia da hetaha: my ščyra imknulisia ŭsio ž taki vyrašyć prablemu Danbasa mirnymi srodkami».
Ale, adkazvajučy na pytańnie, ci treba było pačynać vajennuju apieracyju ŭ 2014 hodzie, Pucin zajaviŭ, što tady Rasija nie była hatovaja da «frantalnaha supraćstajańnia z usim kalektyŭnym Zachadam», i heta «patrabavała surjoznaj padrychtoŭki da raźvićcia situacyi mienavita ŭ takim klučy».
Kamientary