Rybak pad Mazyrom złaviŭ ahramiennaha soma — zmahaŭsia 30 chvilin
Čarhovy vyjezd na Prypiać prynios mazyrskamu rybaku niečakany i vielmi hodny trafiej — u złoŭlenym ułovie akazałasia niešta sapraŭdy vielizarnaje.
Mužčyna złaviŭ na śpininh hihanckaha soma daŭžynioj bolš za dva mietry, paviedamlaje fishing.by.
«26 krasavika łavili rybu z kumam na Prypiaci ŭ vakolicach Mazyrskaha rajona. Pakloŭka adbyłasia kala vaśmi viečara, i adrazu stała zrazumieła, što na kručku bujny som. Vyvažvańnie doŭžyłasia chvilin tryccać, i na praciahu ŭsiaho hetaha času ryba ŭparta supraciŭlałasia, sprabujučy pajści na hłybiniu. Som zdaŭsia tolki tady, kali zusim abiaśsileŭ i hłynuŭ pavietra, paśla čaho ja zmoh padciahnuć jaho da bieraha, a kum tolki z treciaj sproby vyciahnuŭ hihanta z vady», — raspavioŭ rybak Fiodar.
Pavodle jaho słoŭ, sproby ŭzvažyć rybu na elektronnych vahach plonu nie dali, daviałosia abmiežavacca vymiareńniem ruletkaj. Daŭžynia trafiejnaha soma skłała 202 sm.
Paśla vymiareńniaŭ i karotkaj fotasiesii hihanta adpuścili nazad u vadu.
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary