Papu Franciška pachavali siońnia ŭ bazylicy Santa-Maryja-Madžore.
Lidarka demakratyčnych sił Biełarusi Śviatłana Cichanoŭskaja atrymała zaprašeńnie na pachavańnie Papy Franciška. Adnak zamiest jaje tudy pajechaŭ jaje dypłamatyčny daradca Dzianis Kučynski. Čamu tak?
U kamientary «Našaj Nivie» Cichanoŭskaja patłumačyła niemahčymaściu arhanizavać pajezdku ŭ Vatykan łahistyčna ŭ taki karotki termin, i ŭ dadatak užo byli zapłanavany dypłamatyčnyja sustrečy, ad jakich jana nie mahła admovicca. Tamu na pachavańnie, prysutničać na jakim było b taksama važna dla jaje, delehavali Dzianisa Kučynskaha — jon raniej byŭ adkazny za suviazi z Vatykanam.
Kučynski ŭ Vatykanie zmoh niadoŭha pahavaryć z staršynioj Pałaty pradstaŭnikoŭ Iharam Sierhiejenkam i ambasadaram Biełarusi ŭ Vatykanie Juryjem Ambrazievičam, jakija pryjechali ŭ składzie łukašenkaŭskaj delehacyi. Pra heta jon raskazaŭ «Lusterku», adnak paviedamlać detali razmovy nie staŭ, adznačyŭšy, što «ŭ pieršuju čarhu my ŭsie byli tam dla taho, kab addać daninu pamiaci śviatomu ajcu Francysku».
Taksama padčas cyrymonii raźvitańnia Kučynski pahavaryŭ z prezidentami Arhienciny Chaŭjeram Milejem, Ałbanii Bajramam Biehajem, Małdovy Majaj Sandu, a taksama ministrami zamiežnych spraŭ Irłandyi, Niderłandaŭ i Rumynii.
«Naša Niva» — bastyjon biełaruščyny
PADTRYMAĆCiapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary