Bresckaha restaratara buduć zavočna sudzić za ŭchileńnie ad padatkaŭ
Śledčy kamitet 25 krasavika adkryŭ śpiecvytvorčaść u dačynieńni da bresckaha restaratara Kiryła Borachava. Pradprymalniku vystavili abvinavačvańnie pa č. 2 art. 243 KK (Uchileńnie ad vypłaty padatkaŭ u bujnym pamiery).
Abvinavačanamu prapanavali źjavicca va ŭpraŭleńnie Śledčaha kamiteta pa Minsku. Sankcyja artykuła praduhledžvaje da siami hadoŭ pazbaŭleńnia voli.
Vydańnie «Lusterka» zhadvaje, što Kirył Borachaŭ u svoj čas adkryŭ pieršy ŭ Breście karaokie-kłub «Soła», zatym hastro-bar Korova, bar «Mir», siamiejnuju kaviarniu Mario, dastaŭku ježy «Tuk-tuk». Jon taksama raźvivaŭ fastfud u Minsku i Maskvie.
Na fonie padziej 2020 hoda ŭ Kiryła Borachava ŭźnikli prablemy na radzimie. Jahony hastra-bar Korova niekatory čas byŭ začynieny, a paźniej źmianiŭ ŭładalnika. Jak pisali ŚMI, novym haspadarom staŭ pradprymalnik Pavieł Vakulčyk — trajuradny brat byłoha kiraŭnika KDB i ciapierašniaha pamočnika Alaksandra Łukašenki pa Bresckaj vobłaści Valeryja Vakulčyka.
«Raniejšy saŭładalnik byŭ vymušany pakinuć krainu i pradać ŭstanovu. Tak, mienavita pradać, i mienavita byłyja ŭładalniki źviarnulisia z hetaj prapanovaj da novaha dyrektara. Kali b hetaja ŭhoda nie adbyłasia, hryl-bara «karova» ŭžo nie isnavała b, majomaść była b aryštavanaja za daŭhi i štrafy raniejšaha ŭładalnika», — raskazali ŭ śniežni 2020 hoda bresckamu časopisu «Binokl» pradstaŭniki eks-Korova.
U 2022 hodzie na miescy Korova zarehistravali novuju ŭstanovu — bar «Kaza». Sam Kirył Borachaŭ byŭ vymušany vyjechać ź Biełarusi.
Ciapier čytajuć
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior3
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary