U Breście na miescy kultavaha hryl-bara «Karova» adkryvajecca restaran biełaruskaj kuchni «Kaza»
Na instahram-staroncy novaj bresckaj restaracyi «Kaza» źjaviłasia videa interjeraŭ i anons chutkaha adkryćcia. Restaracyja zapracuje na Savieckaj, 73.
«Zusim chutka adčyniacca dźviery novaha restarana «Kaza» ŭ Breście! My budziem radavać i ździŭlać vas samymi vytančanymi i smačnymi stravami nacyjanalnaj biełaruskaj kuchni. Užo na nastupnym tydni vy zmožacie acanić našy kulinarnyja šedeŭry. Najlepšyja kuchary, uvažlivy piersanał, žyvaja muzyka — my stvarajem naš restaran ź vialikaj luboŭju i ŭvahaj da samych drobnych detalaŭ, kab našy hości adčuvali siabie ŭtulna i kamfortna, jak doma. Restaran znachodzicca ŭ samym centry na vulicy Savieckaj — kudy vielmi zručna dabracca ź luboha miesca horada», — havorycca ŭ pakul adzinym paviedamleńni na staroncy.
Novy restaran byŭ zarehistravany ŭ Adzinym dziaržrejestry ŭ vieraśni 2022 hoda, ciapier tudy aktyŭna nabirajuć aficyjantaŭ i kucharaŭ, jość šmat vakansij na sajtach dla pošuku pracy.
Na miescy «Kazy» raniej znachodziŭsia kultavy brescki hryl-bar «Karova», jaki adkryŭsia ŭ 2015 hodzie. U kancy 2020 hoda stała viadoma, što pryvatny pradprymalnik Pavieł Vakulčyk, stryječny brat byłoha staršyni KDB Valeryja Vakulčyka, nabyŭ «Karovu» ŭ bresckaha pradprymalnika Kiryły Borachava.
Sam Borachaŭ byŭ vymušany źjechać za miažu, bo na radzimie jaho čakaŭ kryminalny pieraśled.
Pavieł Vakulčyk pierazapuściŭ bar, jaki byŭ na miažy zakryćcia.
«Čałaviek nie niasie adkaznaści za pohlady svaich svajakoŭ, — tłumačyli tady situacyju pradstaŭniki bara. — Kali b hetaja ździełka nie adbyłasia, hryl-bar «Karova» ŭžo nie isnavaŭ by, majomaść była b aryštavanaja za daŭhi i štrafy raniejšaha ŭłaśnika».
Ciapier čytajuć
Pasadzili advakata Dźmitryja Łajeŭskaha, jaki abaraniaŭ Babaryku i Znaka8
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary