Vajna66

Kličko: Ukrainie, mahčyma, daviadziecca addać terytoryi dziela miru

Mer Kijeva — pieršy z ukrainskich top-palitykaŭ, chto publična dapuściŭ, što krainie, mahčyma, daviadziecca sastupić terytoryi, chaj i časova.

Vital Kličko. Skrynšot videa Bi-bi-si

Vital Kličko zajaviŭ Bi-bi-si, što Ukrainie, mahčyma, daviadziecca addać častku terytoryj u miežach mirnaha pahadnieńnia z Rasijaj na fonie rostu cisku z boku prezidenta Donalda Trampa pryniać terytaryjalnyja sastupki.

«Adzin z varyjantaŭ —… addać terytoryju. Heta niespraviadliva. Ale dziela miru, časovaha miru, mahčyma, heta moža być rašeńniem, časovym», — skazaŭ jon.

Adnak 53-hadovy były čempijon śvietu pa boksie, jaki staŭ palitykam, padkreśliŭ, što ukrainski narod «nikoli nie prymie akupacyju» Rasijaj.

Jon vykazaŭsia praź niekalki hadzin paśla rakietna-dronavaj ataki Rasii na Kijeŭ, u vyniku jakoj zahinuli 12 čałaviek i bolš za 80 atrymali ranieńni. Heta była adna z najbolš śmiarotnych rasijskich atak na ŭkrainskuju stalicu za apošnija miesiacy.

Kličko adznačyŭ, što jon «adkazvaje za stalicu Ukrainy», nazvaŭšy jaje «sercam» źniasilenaha vajnoj kraju. Jon skazaŭ, što prezidentu Uładzimiru Zialenskamu, mahčyma, pryjdziecca pajści na «balučaje rašeńnie» dziela dasiahnieńnia miru.

Mer Kijeva ciapier źjaŭlajecca adnym z najbolš vysokapastaŭlenych ukrainskich palitykaŭ, i jon pieršy, chto publična dapuściŭ, što krainie, mahčyma, daviadziecca sastupić terytoryi, chaj i časova.

Na pytańnie, ci abmiarkoŭvaŭ ź im Zialenski padrabiaznaści mahčymaha pahadnieńnia, Kličko adkazaŭ prosta: «Nie».

«Prezident Zialenski zajmajecca hetym sam. Heta nie maja funkcyja», — dadaŭ jon.

Kličko i Zialenski źjaŭlajucca palityčnymi apanientami. Mer nieadnarazova abvinavačvaŭ prezidenta i jaho kamandu ŭ sprobach padarvać jaho aŭtarytet.

Uspaminajučy pra publičnuju svarku pamiž Zialenskim i Trampam u Biełym domie ŭ lutym, mer vykazaŭ mierkavańnie, što klučavyja pytańni pamiž top-palitykami lepš abmiarkoŭvać «bieź videakamier».

Kamientary6

  • Filipp
    25.04.2025
    Nu kali ŭžo baksior da heta pryjšoŭ, moža šaniec i jość.
  • Uład
    25.04.2025
    Jak varyjant: časova prapanavać miežy pa stanu na 23.02.2022. "Padkinuć" Trampu hetu ideju. Maŭlaŭ: "davajennyje miežy". Vyhladaje pryvabna dla Trampa! Jon jak by "spyniŭ vajnu i akupacyju", pačatuju Pucinym 24.02.2022.
  • poniatno
    25.04.2025
    Načinajetsia ukrainskij razdraj, v riezultatie kotoroho, s 2014 hoda, Ukraina tieriajet tierritorii.
    Tiepieŕ, etot razdraj, vyhodien staromu-novomu sojuzu trampa i putina.
    I tramp, i putin budut dovolny.

Ciapier čytajuć

U Smarhonskim rajonie «Aŭdzi» ŭščent razburyła histaryčny pomnik2

U Smarhonskim rajonie «Aŭdzi» ŭščent razburyła histaryčny pomnik

Usie naviny →
Usie naviny

Kłub ź vioski na 1500 čałaviek upieršyniu staŭ čempijonam Šviecyi pa futbole1

«Rabotnikaŭ z Afryki adpraŭlajuć na kuchniu». Čym zajmajucca pracoŭnyja mihranty ŭ Biełarusi i adkul jeduć?17

Tramp znoŭ zajaviŭ, što Ukraina moža vyjhrać u vajnie. Ale nie dumaje, što vyjhraje12

DAI prapanuje zamianić nievialikija maršrutki aŭtobusami bolšaj umiaščalnaści9

«Asnoŭny instrumient — hienietyčnaja ekśpiertyza». U Śledčym kamitecie raskazali, jak raskryvajuć zabojstvy daŭno minułych hadoŭ3

U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć31

U Viciebsku ładziać ekskursii ŭ prapahandyscki centr rasijskaha militaryzmu FOTAFAKT5

U Łojevie pradajuć budynak, u jakim mieścicca adzinaja pošta. A što budzie ź joj samoj?

Ciła pocisku ruki ŭ 50 hadoŭ moža pradkazać vaša zdaroŭje ŭ 70: vyniki daśledavańnia3

bolš čytanych navin
bolš łajkanych navin

U Smarhonskim rajonie «Aŭdzi» ŭščent razburyła histaryčny pomnik2

U Smarhonskim rajonie «Aŭdzi» ŭščent razburyła histaryčny pomnik

Hałoŭnaje
Usie naviny →

Zaŭvaha:

 

 

 

 

Zakryć Paviedamić