Sotni tysiač biełarusaŭ sačyli za chłopcam, jakomu dziaŭčyna dapamahała adnaŭlacca paśla strašnaj avaryi. Jany razyšlisia
Pra rasstavańnie Uład i Nija abviaścili naprykancy lutaha.
Paŭtara hoda tamu ŭ TikTok zavirusilisia videa z maładoj paraj, Uładam i Nijaj. 1 kastryčnika 2023 hoda Uład trapiŭ u avaryju i atrymaŭ ciažkuju čerapna-mazhavuju traŭmu. Miedyki mierkavali, što chłopiec moža ŭvohule nie vyžyć, a kali i vyžyvie, to budzie całkam niedziejazdolny.
Dapamahła kletačnaja terapija — chłopiec nieŭzabavie ačuniaŭ. Byłaja dziaŭčyna Ułada, Nija, rodam z Emirataŭ. Jana ad samaha pačatku dapamahała jamu adnaŭlacca.
Ułada čakaŭ doŭhi šlach reabilitacyi, ale prahres byŭ vidavočny. Davoli chutka da jaho pačała viartacca pamiać, praź niekalki miesiacaŭ jon znoŭ zrabiŭ svaje pieršyja kroki, paśla navučyŭsia absłuhoŭvać siabie całkam samastojna i biehła razmaŭlać.
Ciapier Uład choć i nie da kanca adnaviŭsia, ale ŭžo zajmajecca ŭ spartovaj zali, płavaje i žyvie davoli aktyŭnym žyćciom.
U lutym 2024 hoda para kazała, što jany płanujuć ažanicca. Ale praz hod, u lutym 2025-ha, Uład i Nija abviaścili, što razyšlisia. Paźniej Nija ŭ svaim telehram-kanale napisała:
«Čas ad času kachańnia prosta niedastatkova. My zrazumieli, što našy styli stasunkaŭ nie supadajuć, i heta pryviało nas da roznych šlachoŭ. Choć my možam pajści roznymi šlachami, my zaŭždy budziem pavažać adno adnaho i ŭdziačnyja za momanty, jakija my padzialili. Za novyja pačynańni nas abaich».
Nija publikuje natatki sa svajho žyćcia i čas ad času nastalhuje pa starych adnosinach. Uład raspaviadaje pra toje, jak adnaŭlajecca, ale ŭžo adzin, i taksama čas ad času zhadvaje pra byłoje. Pieryjadyčna aboje namiakajuć, što, mahčyma, u hetaj historyi jašče nie ŭsio skončana.
«Naša Niva» — bastyjon biełaruščyny
PADTRYMAĆSotni tysiač bačyli ŭ tyktoku, jak biełarus z dapamohaj kachanaj adnaŭlajecca paśla strašnaj avaryi. Voś što ź im ciapier
Čamu my ŭlublajemsia? Navukoŭcy abviarhajuć stereatypy
«Usie žančyny marać pra haściavy šlub». Prybiralščyca ź Minska bačycca z mužam tolki na vychodnych i ličyć hetu schiemu idealnaj
Kamientary