U Kramli zajavili, što maratoryj na ŭdary pa enierhietycy skončyŭsia
Dźmitryj Piaskoŭ adznačyŭ, što Uładzimir Pucin nie davaŭ ukazańniaŭ pa pradaŭžeńni hetaha maratoryja.
Maratoryj na ŭdary pa abjektach enierhietyki pamiž Rasijaj i Ukrainaj skončyŭsia.
Pavodle pres-sakratara Kramla Dźmitryja Piaskova, Uładzimir Pucin nie davaŭ vojskam novych ukazańniaŭ, piša «Interfaks».
«Miesiac (maratoryja) sapraŭdy skončyŭsia. Ale na dadzieny momant nijakich inšych ukazańniaŭ Viarchoŭnaha hałoŭnakamandujučaha, prezidenta Pucina nie było», — skazaŭ Piaskoŭ.
Rasija zajaviła maratoryj na ŭdary pa enierhaabjektach paśla razmovy pamiž Pucinym i Donaldam Trampam 18 sakavika. Paśla hetaha Kreml nieadnarazova abvinavačvaŭ Ukrainu ŭ parušeńni maratoryja. Pry hetym rasijskaja armija apošni miesiac aktyŭna abstrelvała ukrainskija harady.
Za niekalki dzion da zakančeńnia ŭstanoŭlenaha terminu Piaskoŭ kazaŭ, što prezident prymie rašeńnie, praciahvać hetuju mieru ci nie, kali abmianiajecca infarmacyjaj z ZŠA.
Kamientary