FSB: Biełarus źbiraŭsia ŭzarvać u Navarasijsku punkt zboru rasijskich vajskoŭcaŭ
FSB paviedamiła, što zatrymała nibyta ahienta SBU pry sprobie ździejśnić padryŭ u administracyjnym budynku ŭ Navarasijsku.
Zatrymany ŭ Navarasijsku (Krasnadarski kraj) hramadzianin Biełarusi źbiraŭsia padarvać punkt zboru vajskoŭcaŭ, paviedamili ŭ FSB.
«Zatrymany zamiežny hramadzianin 2000 hoda naradžeńnia, datyčny da zboru raźviedvalnaj infarmacyi i padrychtoŭki terarystyčnaha aktu ŭ intaresach Słužby biaśpieki Ukrainy», — prainfarmavali ŭ FSB Rasii.
Pavodle źviestak śpiecsłužby, u śniežni minułaha hoda biełarus byŭ zavierbavany praź internet dla zboru źviestak pra Čarnamorski fłot i rasijskich vajskoŭcaŭ.
Nibyta pa ŭkazańni kuratara jon vyciahnuŭ z tajnika samarobnuju vybuchoŭku vahoj 2,5 kh, kab zatym padarvać budynak u Navarasijsku i źniščyć rasijskich vajskoŭcaŭ.
Na dopycie, videa jakoha było apublikavana FSB, jon zajaviŭ, što źbiraŭsia ździejśnić terakt u krasaviku, kab sarvać pieramovy pamiž ZŠA, Ukrainaj i Rasijaj.
Suprać jaho zaviedziena kryminalnaja sprava pa č. 1 art. 30 i č. 1 art. 205 KK RF — padrychtoŭka da ździajśnieńnia terarystyčnaha aktu.
U FSB adznačyli, što zatrymany nibyta pryznaŭ vinu i ciapier supracoŭničaje sa śledstvam.
Kamientary