Samyja chałodnyja i samyja vietranyja miescy Biełarusi — praviercie svoj horad
U Minsku taksama jość svaje anamalii.
Čaściej za ŭsio samym chałodnym byvaje Haradocki rajon — tam na mieteastancyi Jeziaryšča, jak praviła, fiksujucca samyja nizkija tempieratury. Pra heta raskazała na ANT načalnica słužby mietearałahičnych prahnozaŭ Biełhidramieta Taćciana Čatyrka.
Ale kali biaschmarnaje nieba i antycykłon, to ź vialikaj dolaj vierahodnaści samyja nizkija tempieratury buduć na tarfianikach. Heta mieteastancyja Paleskaja. Pa Mahiloŭskaj vobłaści — heta mieteastancyi Kličaŭ, Babrujsk.
Samaje vietranaje miesca — Navahrudak. Vietrana časta byvaje taksama ŭ Ašmianach.
Navahrudak jašče i samaje tumannaje miesca.
A kali kazać pra navalnicy, to čaściej za ŭsio jany ŭ paŭdniovych rehijonach — heta Bresckaja, Homielskaja vobłaści.
Navat u miežach adnaho Minska moža adroźnivacca nadvorje.
«Kali ŭ nas była pabudavana novaja mietearałahičnaja stancyja Uručča, heta praktyčna za horadam, za kalcavoj, my ŭbačyli, što tempieratura pavietra ŭ zimovy siezon pry antycykłanalnym charaktary biaźvietryja moža na 5 hradusaŭ i bolš adroźnivacca ad toj, jakaja ŭ horadzie», — zaŭvažaje Taćciana Čatyrka.
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26
Kamientary