Vydaviectva Koska, jakoje śpiecyjalizujecca pieradusim na vydańni skandynaŭskaj litaratury dla dziaciej, zapuściła sajt www.koskabooks.com, praź jaki možna kupić knihi ŭ elektronnym vyhladzie i čytać dzietkam na płanšecie, kampjutary ci telefonie, piša Bellit.info.
U darobku vydaviectva 28 knih, ale atrymać elektronnuju viersiju pakul možna tolki 19-ci ź ich.
«Pakul nabyć možna nie ŭsie knihi, ale my praciahvajem pracavać i pastupova budziem dadavać usio bolš i bolš knih, u tym liku novyja pierakłady i novyja knihi»,— tłumačyć kiraŭnica vydaviectva Nadzieja Kandrusievič-Šydłoŭskaja i dziakuje ŭsim, chto pracavaŭ nad sajtam, nad knihami, zastajecca pobač i padtrymlivaje.
Na sajcie padrabiazna tłumačycca, čamu mienavita elektronnaja kniha, jak jaje atrymać i karystacca.
Što takoje elektronnaja kniha? Šmat u čym heta toje ž samaje, što i papiarovaja kniha: tut jość vokładka, ilustracyi i tekst. Adroźnivaje elektronnuju knihu ad papiarovaj toje, jak my jaje čytajem. My čytajem elektronnyja knihi na našych telefonach, kamputarach ci płanšetach. Elektronnuju knihu nie treba drukavać u drukarni ci pierasyłać poštaj — jana prylataje da nas adrazu ž jak tolki my jaje nabyli!
Jak nabyć elektronnuju knihu na hetym sajcie?
Kali vy vybrali elektronnuju knihu, jakuju chacieli b nabyć, naciśnicie na knopku «elektronnaja kniha» i vy trapicie na staronku, ź jakoj zmožacie nabyć i spampavać knihu.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary