Miery pryniatyja dla zabieśpiačeńnia biaśpieki ich karystalnikaŭ, paviedamiŭ BiełTA namieśnik načalnika UDAI HUUS Minharvykankama Dzianis Livanovič.
«Uličvajučy aktualnaść kikšerynhavych servisaŭ, što dziejničajuć na terytoryi stalicy, a taksama pavieličeńnie kolkaści arendnych SPM, raźmieščanych na vulična-darožnaj sietcy horada, Minskim harvykankamam pryniata rašeńnie ab uniasieńni źmianieńniaŭ u paradak ažyćciaŭleńnia dziejnaści kikšerynhavych servisaŭ», — padkreśliŭ milicejski čynoŭnik.
Rašeńniem praduhledžany šerah abmiežavańniaŭ, u tym liku abmiežavańnie chutkaści ruchu arendnych srodkaŭ piersanalnaj mabilnaści, a taksama ŭviadzieńnie zabaronaŭ na ździajśnieńnie peŭnych dziejańniaŭ na asobnych učastkach vulična-darožnaj sietki stalicy.
Raniej kazali pra źjaŭleńnie tak zvanych «pavolnych zon» — heta piešachodnyja vulicy i miescy vialikaha skapleńnia ludziej. Tut chutkaść samakataŭ abmiažoŭvajecca 10—15 km/h, pryčym abmiežavańnie ŭvodzicca samimi pryładami. Jany mohuć nie tolki zapavolvacca, ale i poŭnaściu spyniacca.
U «pavolnyja zony» stalicy traplaje centralnaja častka horada i pieršaje transpartnaje kalco pa vulicach Mielnikajcie, Suchoj, Kalektarnaj, Śviardłova, Uljanaŭskaj, Bahdanoviča, Kazłova, Staražoŭskaj i praśpiekcie Niezaležnaści. U śpisie taksama rajon Kamaroŭskaha rynku, parki Pieramohi, imia Hrekavaj, Čaluskincaŭ, terytoryi kala bujnych handlovych centraŭ i šerah inšych placovak.
Akramia taho, ciapier karystalnik moža vybrać adzin z troch chutkasnych režymaŭ: «eka» (nie bolš za 15 km/h), «drajv» (da 20 km/h), «sport» (maksimum 25 km/h), — patłumačyŭ ekśpiert.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary