«ZŠA čujuć pazicyju Rasii». Pasłańnik Pucina raspavioŭ pra vyniki sustreč u Vašynhtonie
Kiraŭnik Rasijskaha fondu pramych inviestycyj Kirył Dźmitryjeŭ prakamientavaŭ vyniki pieramovaŭ u Vašynhtonie i raspavioŭ, što sustreŭsia «z klučavymi členami administracyi» Donalda Trampa. Pavodle jaho słoŭ, ZŠA «čuć pazicyju Rasii» i nastrojenyja na dyjałoh, piša Bi-bi-si.
Jon nie ŭdakładniŭ, z kim mienavita sustrakaŭsia; nieaficyjna paviedamlałasia pra sustreču Dźmitryjeva sa śpiecpasłańnikam Trampa Styvam Uitkafam.
«My absalutna dakładna bačym, što administracyja prezidenta Trampa, u adroźnieńnie ad prezidenta Džo Bajdena, nastrojena na vyrašeńnie pytańniaŭ. Jany pavodziać siabie nadzvyčaj pavažliva, jany razumiejuć pazicyju Rasii, zadajuć šmat pytańniaŭ, znachodziać kampramisy. Heta toj duch, stvaralny, jaki zadadzieny», — skazaŭ jon žurnalistam.
Pavodle Dźmitryjeva, adnaŭleńnie rasijska-amierykanskich dačynieńniaŭ było adnoj z hałoŭnych tem pieramovaŭ. «Administracyja prezidenta Trampa nacelena na vyrašeńnie ŭsiaho śpiektru pytańniaŭ rasijska-amierykanskich dačynieńniaŭ. Biezumoŭna, jany nastrojenyja na vyrašeńnie hieapalityčnych pytańniaŭ, jany čujuć pazicyju Rasii pa mnohich pytańniach», — dadaŭ jon.
Taksama Dźmitryjeŭ zhadaŭ pra mahčymaść adnaŭleńnia pramoha avijazłučeńnia pamiž Rasijaj i ZŠA, jakoje było prypyniena na pačatku pandemii kavidu i nie adnaviłasia z pačatkam poŭnamaštabnaha rasijskaha ŭvarvańnia va Ukrainu.
«Faktyčna, idzie praca nad adnaŭleńniem pramoha złučeńnia, i my spadziajomsia prasunucca ŭ hetym pytańni», — skazaŭ kiraŭnik RFPI.
Dźmitryjeŭ skazaŭ, što na sustrečach abmiarkoŭvałasia supracoŭnictva ŭ Arktycy i ŭ zdabyčy redkaziamielnych mietałaŭ, pra što raniej zhadvałasia paśla papiarednich kantaktaŭ Kramla z administracyjaj Trampa.
«Patrebicca jašče šerah sustreč dla taho, kab nam vyrašyć usie našy roznahałośsi», — skazaŭ pasłańnik rasijskaha prezidenta.
Kirył Dźmitryjeŭ staŭ samym vysokapastaŭlenym rasijskim čynoŭnikam, jaki naviedaŭ Vašynhton z pačatku vajny va Ukrainie.
Bieły dom vyniki pieramovaŭ pakul nie kamientavaŭ. U čaćvier ahienctva Bloomberg pisała sa spasyłkaj na krynicy, što Rasija ŭsio jašče raźličvaje na toje, što Donald Tramp zabiaśpiečyć prymalnaje mirnaje pahadnieńnie va Ukrainie, ale hatovaja praciahvać vajnu, kali pieramovy pravalacca.
Pavodle surazmoŭcaŭ vydańnia, Kreml nie chvaluje pahroza Trampa ŭvieści druhasnyja sankcyi suprać pakupnikoŭ rasijskaj nafty ŭ vypadku adsutnaści prahresu ŭ pytańni spynieńnia ahniu.
Pamočniki Trampa, uklučajučy Styva Uitkafa, taksama vykazvali aptymizm adnosna prahresu ŭ pieramovach z Rasijaj. Pry hetym pra kankretnyja kroki ŭ napramku mirnaha ŭrehulavańnia ŭ apošnija dni nie paviedamlałasia.
«Bieły dom imknuŭsia dasiahnuć pahadnieńnia ab pieramirji da 20 krasavika, ale ciapier hetaja meta zdajecca małavierahodnaj, a razmovy pra mahčymy chutki samit pamiž Trampam i Pucinym apošnim časam ścichli», — piša Bloomberg.
Pres-sakratar Kramla Dźmitryj Piaskoŭ zajaviŭ, što Rasija «addała b pieravahu praciahnuć peŭnyja ŭzajemnyja namahańni pa pošuku ŭrehulavańnia».
«Usie addali b pieravahu nie svarycca, a razmaŭlać, i nie tolki razmaŭlać, ale i być pačutymi — voś što my majem ź ciapierašniaj amierykanskaj administracyjaj», — skazaŭ Piaskoŭ.
Bloomberg nahadvaje, što choć Rasija prasoŭvajecca napierad na poli boju i maje pieravahu ŭ žyvoj sile i ŭzbrajeńniach pierad Ukrainaj, zachodnija analityki kažuć, što jana niasie vielizarnyja straty.
Jak paviedamlaje NBC News sa spasyłkaj na pradstaŭnikoŭ administracyi, najbližejšaje atačeńnie Trampa raić jamu admovicca ad razmovy z Uładzimiram Pucinym, pakul rasijski prezident nie voźmie na siabie abaviazacielstvy pa poŭnym spynieńni ahniu.
U niadzielu Tramp skazaŭ NBC News, što płanuje pahavaryć z Pucinym na hetym tydni, nahadvaje Reuters.
Kamientary
Pod tarify i pošliny nie podvieli, chotia hroziliś.
Zaranieje otdali 20% tierritorii Ukrainy.
Uśpiešno dohovarivajutsia i nałaživajut sovmiestnyj schiematoz.
Takoje vpiečatlenije, čto vviedienije tarifov i pošlin, razrabotany v Kriemle, a Dmitrijev prijechał za otčiotom i s inśpiekcijej.