U centry Minska za dva miljony dalaraŭ pradajecca kvatera ŭ jašče nie pabudavanym domie
Na adnoj ź placovak pa handli nieruchomaściu źjaviłasia cikavaja abjava: za 2 miljony dalaraŭ pradajecca vializnaja kvatera ŭ centry horada. Ale jość niuans — dom jašče nie pabudavany.
Dakładniej, karkas užo ŭźviedzieny, ale raboty praciahvajucca, i zaviaršeńnie budaŭnictva ŭžo zatrymlivajecca bolš čym na hod, piša Blizko.by.
Havorka idzie pra žyłuju zabudovu «Maestra», jakuju ŭzvodziać la płoščy Franciška Bahuševiča i adnajmiennaj stancyi mietro. Praduhledžvajecca, što heta buduć dva žyłyja vyšynnyja damy na ahulnym styłabacie. Zhodna z pašpartam abjekta, damy pavinny byli być zavieršany jašče ŭ śniežni 2023 hoda, ale rabot napieradzie jašče šmat.
Kvatera, jakaja fihuruje ŭ abjavie, budzie 5-pakajovaj, znachodzicca na 18 paviersie, ahulnaja płošča — 480 kvadratnych mietraŭ, ź ich žyłoj — 400 kv.m.
Sanvuzieł raździelny, stoli — vyšynioj 3 mietry, jość łodžyja.
Važnaja zaŭvaha: za takuju canu kvatera pradajecca biez azdableńnia, tamu raźličvać na chutki zajezd nie vypadaje.
U pieraliku na kvadratny mietr atrymlivajecca 4 166 dalaraŭ.
-
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
-
«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
-
U Hrodnie pradajuć kvateru z krutym vidam na Farny kaścioł i Savieckuju płošču. Cana taksama ŭražvaje
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary
Chto apošni ŭ čarzie? Ja za Vami.