«Łuč» vypuściŭ hadzińnik u honar Vasila Bykava i abviaściŭ z hetaj nahody tvorčy čelendž
Brend «Łuč» pradstaviŭ kalekcyju hadzińnikaŭ «Asoba. Vasil Bykaŭ», pryśviečanuju 101-hodździu z dnia naradžeńnia narodnaha piśmieńnika Biełarusi. Usiaho budzie 200 ekzemplaraŭ hadzińnikaŭ łakaničnaha dyzajnu.
Jak adznačajuć u kampanii, dyzajn pieradaje strymanaść i hłybiniu dumki piśmieńnika, adlustroŭvajučy ŭstojlivaść, mužnaść i siłu słova, jakoje hučyć praz pakaleńni.
«Heta nie prosta hadzińnik. Heta historyja, što žyvie ŭ časie.
Kalekcyja «Asoba. Vasil Bykaŭ» — u honar čałavieka, čyje słovy stali viečnymi.
Vasil Bykaŭ pisaŭ pra samyja ciažkija i losavyznačalnyja momanty XX stahodździa. Vialikaja Ajčynnaja vajna stała hałoŭnaj temaj jaho tvoraŭ — epocha, dzie čałaviek sutykaŭsia z vyprabavańniem na tryvałaść, maralny vybar i canu čałaviečaha žyćcia. U svaich paźniejšych tvorach jon razvažaŭ pra ŭpłyŭ historyi na los čałavieka, pra składanyja vybary, jakija ludzi robiać u krytyčnyja momanty», — pišuć stvaralniki hadzińnikaŭ.
Heta budzie abmiežavany vypusk — tolki 200 ekzemplaraŭ.
Cana — 599 rubloŭ.
Akramia taho, kampanija abviaściła z hetaj nahody tvorčy čelendž «Čytajem Bykava».
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary