Dola biełaruskich tavaraŭ u kramach źniziłasia da minimumu za 10 hadoŭ
Asabliva zaŭvažna źmianšeńnie pa niecharčovych tavarach.
U Ministerstvie antymanapolnaha rehulavańnia i handlu 20 sakavika prajšoŭ sieminar z udziełam asnoŭnych handlovych sietak i pradpryjemstvaŭ-vytvorcaŭ. Abmiarkoŭvałasia pavieličeńnie prodažaŭ na ŭnutranym rynku biełaruskich tavaraŭ, dola jakich u retejle ŭpała ŭ 2024 hodzie da šmathadovych minimumaŭ, piša Office Life.
Antymanapolnaje viedamstva apublikavała cikavyja danyja, zhodna ź jakimi dola prodažu tavaraŭ ajčynnaj vytvorčaści ŭ roźničnym tavaraabarocie źnižajecca šmat hadoŭ zapar. U 2024 hodzie jana skłała 56,4%, prytym što ŭ 2015-m pieravyšała 69%.
U charčovaj roźnicy za hety čas dola biełaruskaj pradukcyi źniziłasia z 82,2% ad ahulnych prodažaŭ da 76,3%. A pa niecharčovych tavarach — z 51,1 da 37,3%.
Miž tym Prahrama sacyjalna-ekanamičnaha raźvićcia Biełarusi praduhledžvała pavieličeńnie doli biełaruskich tavaraŭ u roźničnych prodažach da 2025 hoda da 63%, u tym liku charčovych — da 85%.
Jak paviedamlajecca, kiraŭnik MARH užo zaćvierdziŭ płan mierapryjemstvaŭ pa pavieličeńni abjomaŭ prodažaŭ tavaraŭ ajčynnaj vytvorčaści, u dačynieńni da jakich ustanoŭleny metavyja pakazčyki pa doli na ŭnutranym rynku.
Jakija kankretna miery buduć prymacca, pakul nieviadoma. Ale raniej u viedamstvie raspaviadali, što raspracoŭvajuć śpiecyjalnuju prahramu pa pavieličeńni doli ajčynnych tavaraŭ u handli.
Kamientary