Jeŭrapiejski Sajuz adkłaŭ svaje pieršyja kontrmiery suprać Złučanych Štataŭ, jakija jon padrychtavaŭ u jakaści adkazu na taryfy na mietały, uviedzienyja prezidentam Donaldam Trampam, da siaredziny krasavika. Pra heta paviedamlaje Reuters.
Jeŭrapiejskaja kamisija prapanavała adnavić taryfy 2018 hoda na tavary ZŠA koštam 4,5 miljarda jeŭra z 1 krasavika, a z 13 krasavika — na tavary koštam 18 miljardaŭ jeŭra.
«Ciapier my razhladajem mahčymaść uzhadnić terminy ŭviadzieńnia dvuch naboraŭ kontrmieraŭ ES, kab my mahli kansultavacca ź dziaržavami-členami ŭ abodvuch śpisach adnačasova. Heta taksama daść nam dadatkovy čas dla pieramovaŭ z našymi amierykanskimi partniorami», — zajaviŭ jeŭrakamisar pa pytańniach handlu Maraš Šefčavič na słuchańniach u Jeŭrapiejskim parłamiencie 20 sakavika.
Kamisija paśla paćvierdziła, što ŭsie kontrmiery ES ustupiać u siłu ŭ siaredzinie krasavika. Pieršy pakiet kontrmieraŭ uklučaje prymianieńnie 50% taryfu na amierykanski burbon. Tramp ža pryhraziŭ nakłaści 200-pracentny taryf na ŭsie viny i inšyja ałkaholnyja pradukty, jakija pastupajuć ź ES, kali Jeŭrasajuz pojdzie na heta.
Administracyja Trampa taksama płanuje ŭvieści «ŭzajemnyja» taryfy 2 krasavika, kab adnavić bałans u suśvietnaj handlovaj sistemie.
Maraš Šefčavič adznačyŭ, što pakul jamu ŭdałosia dasiahnuć abmiežavanaha prahresu ŭ pieramovach z amierykanskimi kalehami. Naprykład, pa jahonaja prapanovie pahadzilisia abmierkavać źnižeńnie ŭvaznych pošlin na pramysłovyja tavary.
«Ja nie dumaju, što ZŠA dumajuć u hetym kirunku», — skazaŭ jon, dadaŭšy, što pryjarytetam amierykancaŭ, padobna, źjaŭlajecca pryciahnieńnie inviestycyj i reindustryjalizacyja.
«I ciapier jany ličać, što najlepšy sposab zrabić heta-praz taryfnuju palityku. Ja spadziajusia, što adnojčy my dojdziem da hetaj dyskusii, ale pakul my vidavočna nie tam», — skazaŭ jeŭračynoŭnik.
Adterminoŭka kontrmieraŭ moža dazvolić unieści peŭnyja karektyvy ŭ śpis amierykanskich tavaraŭ, suprać jakich jany nakiravanyja.
Tramp praciahnuŭ handlovuju vajnu suprać Kanady i znoŭ zajaviŭ pra 51-šy štat jak metu
ZŠA nie pieršy raz u historyi viaduć handlovyja vojny. Ci prynosili pośpiech papiarednija?
Tramp padvoiŭ myty na tavary z Kitaju i ŭvioŭ u dziejańnie ŭkaz pra myty dla Kanady i Mieksiki ŭ 25%
Tramp uvioŭ taryfy dla Kitaja i choča abkłaści imi Jeŭrasajuz. Ci zakranie Biełaruś?
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary