Baranavicki klinier znajšoŭ vialikuju sumu hrošaj u padušcy klijentki
Klijentka i sama nie zdahadvałasia pra hetuju schovanku.
Niezvyčajnaj znachodkaj padzialiŭsia ŭ instahramie pracaŭnik baranavickaj firmy, jakaja akazvaje pasłuhi pa čystcy padušak.
U adnoj z padušak, jakaja pastupiła da ich na čystku, jon znajšoŭ skrutak z dołarami i jeŭra. Ahulnaja suma znojdzienych hrošaj składaje kala $4300. Klinier vyrašyŭ viarnuć hetyja hrošy haspadyni.
Ale, jak vyjaviłasia, sama žančyna nie viedała pra hetuju schovanku. Paduška naležała jaje babuli, jakaja pamierła ŭ śniežni. Pra babuliny źbieražeńni jana zdahadvałasia, ale nie mahła ŭjavić, što takaja chavała hrošy prosta ŭ padušcy.
Jak raspavioŭ «Anłajnieru« Renat, uładalnik klininhavaj kampanii, z takoj bujnoj znachodkaj u staroj padušcy jon sutyknuŭsia ŭpieršyniu.
«Za 17 hadoŭ pracy maksimum, što traplałasia, — drobnyja maniety, i toje ŭ asnoŭnym savieckija. Viadoma, pra hrošy ja adrazu paviedamiŭ zakazčycy — inakš nijak, ja pryvyk žyć sumlenna. Patelefanavaŭ, spytaŭ: «A čyja heta paduška?» Kali pačuŭ, što babulina, skazaŭ: «Nu, značyć, vinšuju, babula vam pakinuła padarunak».
Uznaharodžańnia dla siabie klinier nijakaha nie ŭziaŭ, tolki paprasiŭ dazvołu źniać videa i fota dla Instagram.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu11
Kamientary