19-hadovy biełaruski abaronca «Čykaha Błek Choŭks» Arciom Leŭšunoŭ siońnia ŭ matčy suprać «Kałarada Evełanš» debiutavaŭ u Nacyjanalnaj chakiejnaj lizie (NCHŁ). Arciom staŭ 17-m biełarusam, jaki zhulaŭ u NCHŁ z 1992 hoda.
Arciom hulaŭ u trecim źvianie, pravioŭ na lodzie 20:55 (1:15 u bolšaści, 0:02 u mienšaści), nanios 5 kidkoŭ (2 mima), zrabiŭ 2 błoki i zarabiŭ pakazčyk karysnaści «-1».
Što praŭda, «Čykaha» prajhrała 0:3.
Arciom staŭ 17-m biełarusam u NCHŁ z 1992 hoda, a taksama šostym biełarusam, jaki zhulaŭ u hetym siezonie NCHŁ.
U hetym siezonie ŭ najmacniejšaj lizie śvietu vystupili piać biełarusaŭ: bramnik Alaksiej Kołasaŭ («Fiładelfija»), abaroncy Uładzisłaŭ Kalačonak («Pitsburh») i Illa Sałaŭjoŭ («Kałhary»), a taksama forvardy Alaksiej Protas («Vašynhton») i Jahor Šaranhovič («Kałhary»).
Leŭšunoŭ zaklučyŭ kantrakt z «Čykaha» letam minułaha hoda, ale z taho času vystupaŭ za farm-kłub «Čykaha» ŭ Amierykanskaj chakiejnaj lizie (druhaja pa značnaści ŭ Kanadzie i ZŠA) — «Rokfard Ajschoks». Pravioŭ za toj kłub 22 hulni, zakinuŭ piać šajbaŭ i zrabiŭ 17 halavych pieradačaŭ.
Kancert Maksa Karža pačaŭsia z zatrymkaj na dźvie hadziny. «Biełaruś top!» — kryčać i jon, i fanaty9
Kamientary