Siłaviki zajavili pra ŭzłom resursaŭ «Biełpoła». A jak na samaj spravie?
Šerah praŭładnych telehram-kanałaŭ 7 sakavika zajavili pra nibyta ŭzłom resursaŭ arhanizacyi byłych siłavikoŭ «Biełpoł». Pradstaŭnik arhanizacyi Uładzimir Žyhar prakamientavaŭ hetyja zajavy dla «Radyjo Svaboda».
«Nijakich uciečak, uzłomaŭ abo źlivaŭ niama. Nivodzin naš resurs nie paciarpieŭ. Usie našy krynicy na suviazi, i praca ź imi idzie ŭ absalutna štatnym režymie. Tak, byli peŭnyja prablemy paśla napadu na [telehram-kanał Biełaruski] Hajun, ale ciapier situacyja narmalizavałasia», — skazaŭ jon.
Žyhar dadaŭ:
«Biezumoŭna, dziejnaść arhanizacyi BelPol vyklikaje varjackaje razdražnieńnie ŭ režymu. Dyskredytavać nas — heta, pa sutnaści, adna z samych hałoŭnych zadač na siońniašni dzień. Bo my adzinyja, chto ciapier realna akazvaje supraciŭ sistemie, štoraz vykryvaje karupcyjnyja schiemy, abychod sankcyj, pakazvaje, jak Łukašenka ŭdzielničaje ŭ vajnie suprać Ukrainy, nie słovam, a spravaj aktyŭna prasoŭvaje ideju cisku na režym.
Taksama BelPol adny ź niešmatlikich, chto arhumientavana vystupaje suprać lehitymacyi režymu, źniaćcia sankcyj i dyjałohu ź sistemaj».
Nahadajem, što 7 lutaha paviedamiŭ pra spynieńnie svajoj pracy manitorynhavy prajekt «Biełaruski Hajun». Za dva dni da taho stvaralnik prajekta Anton Matolka paviedamiŭ pra ŭzłom bota i papiaredziŭ hramadzian, jakija adsyłali infarmacyju ci pisali z akaŭntaŭ, pra pahrozu ichniaj biaśpiecy.
Stryžak raspavioŭ, kolki zvarotaŭ atrymaŭ BYSOL za 4 dni praz uzłom «Biełaruskaha hajuna»
Siarod źviestak, jakija vyciekli z bota «Biełaruskaha hajuna», byli ŭnikalnyja ID karystalnikaŭ telehram
Spasyłku na bot «Hajuna» siłaviki znajšli na telefonie zatrymanaj aktyvistki, jakaja praciahły čas chavałasia ŭ Biełarusi
Voś jak siłaviki atrymali dostup da bota «Biełaruskaha Hajuna»
Bot Biełaruskaha Hajuna byŭ uzłamany. Chto tudy pisaŭ — pad pahrozaj
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy7
Kamientary
Užie miesiac prošieł, a Antocha na dnie.