Pra likvidacyju nadzvyčajnaj situacyi na Čarnobylskaj AES paviedamiła na svajoj staroncy ŭ fejsbuku ministarka achovy navakolnaha asiarodździa i pryrodnych resursaŭ Ukrainy Śviatłana Hrynčuk.
Pavodle słoŭ čynoŭnicy, tleńnie napaŭnialnika achoŭnaj abałonki sarkafaha stancyi, uviedzienaha ŭ stroj u 2019 hodzie, spyniena a 12-j hadzinie 7 sakavika. Radyjacyjnaja situacyja na AES stabilnaja i znachodzicca pad pastajannym kantrolem, padkreśliła kiraŭnica viedamstva.
«Na terytoryi stancyi buduć i nadalej dziažuryć padraździaleńnie Dziaržaŭnaj słužby pa nadzvyčajnych situacyjach, a taksama buduć praciahvacca radyjacyjny i ciepłavizijny manitorynhi», — adznačyła Hrynčuk.
Jana paviedamiła pra nieabchodnaść «pravieści jakasny analiz» paškodžańnia abałonki sarkafaha i «adnavić jaje funkcyjanavańnie».
14 lutaha paviedamlałasia, što ŭ achoŭnuju abałonku sarkafaha ČAES urezaŭsia bieśpiłotny latalny aparat, paśla čaho ŭźnikła ŭzharańnie, jakoje doŭha nie mahli patušyć.
Ciapier čytajuć
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9
Kamientary