Pra adklučeńnie važnych dla biaśpieki Ukrainy funkcyj u sacsietcy X paviedamiŭ karespandent vydańnia The Economist Olivier Kerał sa spasyłkaj na svaju krynicu ŭ Kijevie.
Pavodle jaho słoŭ, Ukraina była adklučanaja ad «klučavoj linii suviazi dla apaviaščeńniaŭ» u 14:00 pa kijeŭskim časie (15:00 pa minskim).
Da hetaha času ZŠA taksama pierastali pieradavać źviestki dla nacelvańnia rakietami HIMARS, śćviardžaje žurnalist.
«Tramp chacieŭ atrymać padziaku. My napišam heta na mahiłach zahinułych ukraincaŭ», — pryvioŭ słovy svajoj krynicy karespandent.
U toj ža čas The Washington Post sa spasyłkaj na ŭkrainskich vajskoŭcaŭ piša, što jany pierastali atrymlivać źviestki dla ŭdaraŭ HIMARS jašče da sustrečy Zialenskaha z Trampam i spynieńnia pastavak amierykanskaj vajskovaj dapamohi.
«Pa słovach adnaho ź ich, jak minimum adno z padraździaleńniaŭ USU, jakija pracujuć z HIMARS, za apošni miesiac nie atrymlivała kaardynataŭ dla ŭdaraŭ dalej, čym na 60 km ad linii sudakranańnia».
Amierykanskaja raźviedvalnaja infarmacyja dazvalała Ukrainie vykarystoŭvać pieradadzienyja ZŠA sistemy HIMARS dla zapusku rakiet ATACMS pa celach u tym liku na terytoryi Rasii.
«Adnak u apošnija tydni hetyja kaardynaty pierastali pastupać», — skazaŭ vydańniu vajskoviec USU.
«Tuman vajny stanie dla USU značna bolš hustym». Da čaho moža pryvieści admova ZŠA pieradavać svaje raźvieddanyja Ukrainie
Daradca Trampa raskazaŭ, kali ZŠA mohuć razmarozić vajskovuju dapamohu Ukrainie
CRU śćviardžaje, što prypyniła abmien raźviedźviestkami z Ukrainaj, ale ŭkrainskija čynoŭniki kažuć advarotnaje
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ55
Kamientary
Trampa palityka raźličanaja na stahodździ i nam ja nie zrazumieć.