Z sakavika ŭ Minsku źmianilisia praviły raździelnaha zboru śmiećcia (druhasnych materyjalnych resursaŭ).
Z sakavika va ŭsich rajonach stalicy raździelny zbor druhasnych materyjalnych resursaŭ (DMR) na dvarovych terytoryjach ažyćciaŭlajecca pa-novamu, pišuć Minsk-naviny.
Ciapier usie vidy ŭpakoŭki z papiery i kardonu, płastyku, škła i mietału možna budzie vykidvać u źmiašanym vyhladzie ŭ kantejniery dla zboru DMR, ustanoŭlenyja ŭ dvarach. Na ich źjaviacca adpaviednyja nalepki.
Raniej raźmieščanyja śpiecyjalnyja kantejniery dla škła zastanucca na miescy.
— Jak pakazvaje praktyka, u ich minimum starońnich adchodaŭ, što dazvalaje adrazu advozić škłaboj na pierapracoŭku, — adznačyła Anastasija Vierabjova — namieśnica hienieralnaha dyrektara pa dobraŭparadkavańni i sanitarnym utrymańni žyllovaha fondu Minskaj haradskoj žyllovaj haspadarki.
— Pa vynikach 2024 hoda z usiaho sabranaha abjomu DMR paśla sartavańnia na pierapracoŭku nakiroŭvałasia tolki kala 20 %.
Čamu tak mała adkidaŭ idzie na pierapracoŭku?
Pa słovach śpiecyjalistki, minčuki časta vykidvajuć u śpiecyjalnyja kantejniery nie tolki druhasnuju syravinu, ale i zvyčajnaje śmiećcie, a taksama materyjały, padobnyja da druhasnych, ale nieprydatnyja dla pierapracoŭki.
Naprykład: špalery, fotapapieru, upakoŭku ad jajek, survetki, klejučuju stužku, padhuźniki, miakkija ŭpakoŭki ad majanezu i kietčupu, kancylarskija vyraby, adnarazovy posud.
Padobnyja adkidy treba kłaści ŭ kantejniery dla ćviordych kamunalnych adchodaŭ (CKA).
Darečy, častku źmieściva kantejnieraŭ dla CKA taksama adrazu nie adpraŭlajuć na palihon, a viazuć na sartavalnuju liniju, kab zahruzić mahutnaści pa poŭnaj.
Kamientary