Zapracavaŭ elektronny zapis na prastaŭleńnie apastylu na sajcie Minadukacyi. Ale realizacyja pracedury naściarožvaje
Raniej anansavanaja elektronnaja sistema zapisu dla padačy dakumientaŭ na prastaŭleńnie apastylu i papiaredniaje zaśviedčvańnie dla konsulskaj lehalizacyi z 3 sakavika zapracavała na aficyjnym sajcie Minadukacyi. Adnak ciapierašniaja realizacyja pracedury vyklikaje šerah pytańniaŭ, piša telehram-kanał «Učitielskaja».
Pry zapaŭnieńni formy abituryjentu treba padać nastupnuju infarmacyju:
- vid akazańnia pasłuhi (apastylavańnie ci papiaredniaje zaśviedčvańnie);
- proźvišča, imia ŭładalnika dakumienta;
- vid dakumienta, jakija padajecca, i jahony numar;
- data i čas dla padačy dakumientaŭ (ich treba vybrać z najaŭnych).
Zdavałasia b, ničoha składanaha, ale telehram-kanał «Učitielskaja» źviartaje ŭvahu, što pa stanie na hety momant sistema advodzić na padaču dakumientaŭ dla adnaho čałavieka 30 chvilin. Tamu z ulikam ciapierašniaha hrafika pracy Departamienta kantrolu jakaści adukacyi padać dakumienty zmohuć maksimum 4-5 klijentaŭ u dzień.
Akramia taho, zapisacca na padaču možna tolki viedajučy numar dakumienta, što pazbaŭlaje ciapierašnich vypusknikoŭ mahčymaści zrabić heta zahadzia.
«Tamu, kali hrafik pracy Departamienta zastaniecca takim ža samym, jak ciapier, to za ŭvieś letni pieryjad padać dakumienty zmohuć tolki kala 310 čałaviek, i tut havorka idzie pra ŭsio (atestaty, paśviedčańni, dypłomy i inšaje). I, dumajem, vy razumiejecie, jakaja prastora dla karupcyi stvarajecca ŭ takich umovach», — adznačaje «Učitielskaja».
Spadziavańnie tolki na toje, što ŭsio ž taki ŭ ciapierašniuju sistemu buduć uniesienyja niejkija praŭki.
Da 31 sakavika ŭklučna, darečy, budzie dastupnaja i raniejšaja sistema zapisu niepasredna ŭ Departamiencie kantrolu jakaści adukacyi. Hrafik pracy možna ŭdakładnić pa spasyłcy.
Minadukacyi ŭvodzić elektronnuju čarhu na apastyl
Biełarusku pad mižnarodnaj abaronaj adličyli z polskaj palicealnaj škoły, bo jana nie zmahła paćvierdzić atestat
«Paraili da śniežnia zdać CT u Biełarusi, inakš adličać». Biełarusy, jakija pastupili ŭ polskija VNU, nie mohuć vučycca
«U ZUS akruhlili vočy: jany nikoli pra takoje nie čuli». Jak biełarusy pieravodzili piensiju ź Biełarusi ŭ Polšču
Kamientary