Vens: Dźviery dla adnaŭleńnia pieramoŭ Trampa i Zialenskaha zastajucca adčynienymi
Dźviery dla adnaŭleńnia pieramoŭ Donalda Trampa i Uładzimira Zialenskaha zastajucca adčynienymi, kali ŭkrainski prezident hatovy surjozna havaryć pra mir, zajaviŭ u intervju Fox News vice-prezident ZŠA Džej Dzi Vens.
«Prezident Tramp vyrazna i paśladoŭna zajaŭlaŭ: viadoma, dźviery adčynienyja datul, pakul Zialenski hatovy surjozna kazać pra mir. Nielha pryjści ŭ Avalny kabiniet ci kudy-niebudź jašče i admovicca navat abmiarkoŭvać detali mirnaj ździełki», — skazaŭ jon viadučamu Fox Šonu Chenici.
«Kali jany zachočuć kazać pra mir, ja dumaju, prezident Tramp budzie pieršym, chto padymie słuchaŭku», — dadaŭ Vens. Jon taksama prakamientavaŭ svarku ŭ Biełym domie ŭ piatnicu, u jakoj taksama braŭ udzieł, piša Bi-bi-si.
Pa słovach Vensa, u pačatku sustrečy ŭ Avalnym kabiniecie Donald Tramp «sprabavaŭ być dypłamatyčnym», a sam jon chacieŭ «trochi razradzić abstanoŭku», kali razmova pamiž prezidentami pierajšła na pavyšanyja tony.
«Jon [Zialenski] prademanstravaŭ vidavočnaje niežadańnie ŭdzielničać u mirnym pracesie, — skazaŭ Vens. — My pavinny pryjści da mirnaha ŭrehulavańnia. Prezident [Tramp] sprabavaŭ heta zrabić i budzie praciahvać heta rabić.
Intervju Vensa było zapisana da abviaščeńnia ab prypynieńni vajskovaj dapamohi Kijevu.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary