Bolš nie «Makdonalds». Kitajskaja sietka restaranaŭ chutkaha charčavańnia stała najbujniejšaj u śviecie
Mixue prapanuje naviedvalnikam maroziva i sałodkija napoi mienš čym za 1 dalar. Simvałam sietki restaranaŭ stała dzicia piersanaža Mišlen i śniehavika Frosta. Pra lehiendarny brend raskazaŭ The Wall Street Journal.
Całkam nazva papularnych restaranaŭ hučyć jak Mixue Ice Cream and Tea. Zasnavaŭ jaje Čžan Chunčao ŭ 1997 hodzie ŭ kitajskim Čženčžoŭ.
Maroziva i napoi, jakija pradstaŭlenyja ŭ mieniu restaranaŭ, kaštujuć pryblizna pa 83 centy. Pa słovach adnaho ź piekinskich analitykaŭ Ernana Cuja, asabliva papularna Mixue u nievialikich haradach.
«Ludzi imknucca da bolš ekanamičnych praduktaŭ», — tłumačyć jon.
Ciapier Mixue stała najbujniejšaj sietkaj chutkaha charčavańnia ŭ śviecie, abahnaŭšy «Makdonalds» i «Starbaks». Ale pakul jaje kropki pracujuć tolki ŭ Azii i Aŭstralii.
Kampanija nie źbirajecca spyniacca, ale ab svaich płanach pa vychadzie na rynak ZŠA pakul nie kazała. Prykładna 90% jaje restaranaŭ znachodziacca ŭ Kitai.
Pa dadzienych daśledčaj kampanii Technomi, u minułym hodzie Mixue vałodała 45 tysiačami punktaŭ. Ahułam jaje košt aceńvajuć u bolš čym 10 miljardaŭ dalaraŭ.
Časta jarka-čyrvonyja restarany adkryvajucca pobač z kijoskami pa ramoncie telefonaŭ albo pielmiennymi, što taksama tłumačyć ich šalonuju papularnaść.
Akramia taho, u Mixue možna zakazać limanad. Dziakujučy hetaj pazicyi kampanija stała samym vialikim pakupnikom cytryn u Kitai.
A hałoŭny piersanaž restaranaŭ — Śniežny karol — staŭ nacyjanalnym simvałam, jakim kaliści byŭ Makdonald i pałkoŭnik Sanders (sietka KFC).
Pakupnikam palubiłasia i pieśnia, jakaja hučyć u kožnym restaranie: «Ja lublu ciabie, ty lubiš mianie. Maroziva i harbata Mixue».
-
«Spynić situacyju, kali ludzi znachodziacca na ŭtrymańni dziaržavy ad samaha pryjezdu». Irłandyja prapanuje ŭkraincam «ščodryja» vypłaty za viartańnie dadomu
-
Praz kanflikt z Papam Rymskim Tramp pačaŭ stračvać padtrymku vybarščykaŭ. U Vašynhtonie zahavaryli pra prymireńnie
-
U Tomsku źnieśli pomnik represavanym: siarod ich byli departavanyja ź Biełarusi palaki, a taksama biełarusy, jakich prymušali źmianiać nacyjanalnaść
Ciapier čytajuć
Maksim Znak: My ź Cichanoŭskaj zajšli padavać skarhu ŭ kabiniet Jarmošynaj — ale Jarmošynaj tam nie było57
Kamientary