Siarednija vydatki adnoj biełaruskaj chatniaj haspadarki składajuć 2446,6 rubla ŭ miesiac. Takuju vysnovu zrabiŭ Biełstat pa vynikach vybaračnaha abśledavańnia biełaruskich siemjaŭ pa ŭzroŭni žyćcia.
Pa vynikach IV kvartała 2024 hoda amal 70% vydatkaŭ biełaruskich siemjaŭ — spažyvieckija. Na pradukty z hetych vydatkaŭ siaredniaja siamja tracić 36,9%, na niecharčovyja tavary — 37,7%, na apłatu pasłuh — 23%.
Što tyčycca dachodaŭ, to realnyja dastupnyja resursy siaredniaj siamji składali naprykancy minułaha hoda 2545,8 rubla ŭ miesiac.
U tym liku ŭ haradach i pasieliščach haradskoha typu — 2671,3 rubla, u sielskaj miascovaści — 2138,4 rubla ŭ miesiac.
U Biełstacie taksama adznačajuć, što ŭ minułym hodzie dola małazabiaśpiečanych hramadzian, u jakich dastupnyja resursy nižej biudžetu pražytačnaha minimumu, składała 3,4%. U haradach takich ludziej 2,8%, a ŭ vioscy — 5,5%.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary