«Listoŭ ščaścia» (pastanoŭ ab nakładańni spahnańnia za administracyjnaje pravaparušeńnie) staličny kiroŭca čakaŭ jašče z pačatku studzienia, bo zaŭvažyŭ uspyški ad spracoŭvańnia kamier. Ale vyrašyŭ abskardzić štrafy, kali jany pryjduć. I ŭ jaho heta atrymałasia.
— Ruchajučysia pa trasie Minsk — Mahiloŭ, «złaviŭ» dźvie kamiery. Pry hetym darožnyja znaki na praciahu ŭsioj trasy byli zalepleny śnieham, i ničoha nie było vidać. Vyznačyć chutkaść albo zusim niemahčyma, albo vielmi składana, — raspavioŭ aŭtaamatar žurnalistu Onlíner.
— Na trasie abmiežavańnie 120 km/h, upieršyniu na znaku ŭbačyŭ dźvie ličby — padumaŭ, što 90 km/h, skinuŭ chutkaść i atrymaŭ fota. Vielmi ździviŭsia. U druhi raz uvohule nie było vidać, jakoje abmiežavańnie, ale pakolki da hetaha było 120 km/h, tak i praciahvaŭ ruch.
U kancy studzienia pryjšła pastanova ab nakładańni spahnańnia za administracyjnaje pravaparušeńnie (tolki adna). Mužčyna padaŭ skarhu ŭ rajonny adździeł DAI pa miescy rehistracyi. Razam sa skarhaj zabrali i aryhinał pastanovy. Taksama jon pieradaŭ na dysku fota i videa, jakija paćviardžali, što darožnyja znaki byli zalepleny śnieham.
— Na dniach pryjšło paviedamleńnie ab spynieńni spravy i admienie pastanovy. Tak što ŭsio mahčyma, — padsumavaŭ mužčyna.
Hety vypadak paćviardžaje, što časam štraf z kamiery fotafiksacyi možna asprečyć. Ale dla hetaha patrebny padstavy i dokazy.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA121
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary