Załaty ŭnitaz z pałaca, dzie naradziŭsia Čerčyl, skrali za piać chvilin
Kab skraści załaty ŭnitaz koštam da šaści miljonaŭ dołaraŭ, spatrebiłasia piać chvilin. Pra heta prakuror raskazaŭ u Oksfardzie na sudovym pasiadžeńni pa spravie, piša Bi-bi-si.
Pra rabavańnie z Błenchejmskaha pałaca pad Oksfardam stała viadoma ŭ 2019 hodzie, ale ciapier idzie sud, na jakim ahučyli padrabiaznaści zdareńnia.
Sa słoŭ prakurora, banda ź piaci čałaviek nočču na dvuch aŭtamabilach prataraniła bramu Blenchiejmskaha pałaca. Zatym jany vybili akno i pranikli ŭ sam pałac.
Hrupa vyłamała ŭnitaz kavadłami i źbiehła. Usiaho im na heta spatrebiłasia kala piaci chvilin.
Unitaz z zołata 750-j proby (18 karat) nie byŭ pastajannym pradmietam interjeru ŭ pałacy, dzie kaliści naradziŭsia Uinstan Čerčyl. Jaho ŭstalavali časova — jak častku vystavy italjanskaha mastaka-kanceptualista Maŭrycya Katiełłana. Hetuju svaju pracu jon nazvaŭ «Amieryka».
Niahledziačy na heta, unitaz pracavaŭ i byŭ padklučany da kanalizacyi. U pałacy jon prastajaŭ usiaho dva dni — i hety čas achova nazirała, kab nichto im nie skarystaŭsia.
Važyŭ art-abjekt 98 kiłahramaŭ.
U rabavańni pałaca abvinavačvajuć 39-hadovaha Majkła Džonsa z Oksfarda, 36-hadovaha Frederyka Dou ź Vindzora i 41-hadovaha Bora Hiučdziuk z Łondana.
Jak śćviardžaje bok abvinavačvańnia, paviedamleńni, znojdzienyja ŭ ich telefonach, dakazvajuć, što mužčyny damovilisia ab kupli-prodažu 20 kiłahramaŭ vykradzienaha zołata za 25,632 funta sterlinhaŭ (ciapier — prykładna 33,6 tysiač dołaraŭ) za kiłahram, što prykładna na 3 tysiačy funtaŭ tańniej tahačasnaj rynkavaj cany.
-
Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
-
Kiraŭnik MZS Azierbajdžana paviedamiŭ pra «surjoznyja pytańni» da Maskvy praz zakryćcio spravy ab katastrofie łajniera AZAL
-
Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary